El aýmaǵynda aýa raıy kúrt qubylyp, sınoptıkter respýblıkanyń barlyq óńirinde qaýip deńgeıi joǵary ekenin eskertedi. «Qazgıdromet» mamandarynyń boljamynsha, 16 aqpan kúni elimizdiń túkpir-túkpirinde qar aralas jańbyr jaýyp, boran soǵyp, kóktaıǵaq pen tuman kútiledi, dep habarlaıdy Egemen.kz.
Almatyda túnde jáne tańerteń tuman túsip, kóktaıǵaq bolady.
Astanada kúndiz qar aralas jańbyr jaýady. Sondaı-aq boran soǵyp, kóktaıǵaq kútiledi. Ońtústik jáne ońtústik-batystan soqqan jeldiń ekpini 15-20 m/s-qa deıin jetedi.
Shymkentte kúndiz jańbyr jaýady. Ońtústik-batystan ekpini 15-20 m/s bolatyn jel soǵady.
Abaı oblysynyń shyǵys bóliginde túnde jáne tańerteń tuman kútiledi. Oblystyń ońtústigi men ortalyǵynda jel ekpini 15-20 m/s-qa deıin jetedi.
Túnde Aqmola oblysynyń batysy men soltústiginde qar jaýyp, boran jáne kóktaıǵaq bolady. Keı jerlerde tuman túsedi. Jeldiń ekpini 15-20 m/s deıin jetedi.
Al Aqtóbe oblysynyń soltústik, shyǵys jáne ortalyq aýdandarynda qar men boran, kóktaıǵaq boljanady. Keı jerlerde tuman túsedi. Jel ekpini 15-18 m/s bolady.
Almaty oblysynyń soltústik, ońtústik jáne taýly aımaqtarynda tuman men kóktaıǵaq kútiledi. Batys pen shyǵysta jel 15-20 m/s-qa deıin kúsheıedi.
Atyraý oblysynyń batys, ońtústik jáne shyǵys bólikterinde tuman men kóktaıǵaq bolady. Soltústiginde jel ekpini 15-18 m/s deıin jetedi.
Shyǵys Qazaqstan oblysynyń soltústiginde túnde jáne tańerteń tuman kútiledi. Ońtústik-shyǵysta jel 15-20 m/s-qa deıin jetedi.
Túnde Jambyl oblysynyń ońtústik-batysy men shyǵysynda, sondaı-aq taýly aýdandarda kóktaıǵaq pen tuman bolady. Keı jerlerde jeldiń ekpini 15-20 m/s deıin jetedi.
Jetisý oblysynyń shyǵys, ońtústik jáne taýly aımaqtarda tuman túsedi. Alakól mańynda jeldiń ekpini 15-20 m/s, keıde 23-28 m/s-qa deıin jetýi múmkin.
Batys Qazaqstan oblysynda jańbyr men qar,boran, sondaı-aq kóktaıǵaq jáne tuman kútiledi. Jeldiń ekpini 15-20 m/s deıin jetedi.
Qaraǵandy oblysynyń batysy men soltústiginde azdaǵan jaýyn-shashyn, boran jáne kóktaıǵaq bolady. Keı jerlerde tuman túsedi. Jel ekpini 15-18 m/s.
Qostanaı oblysynda túnde qar, boran jáne kóktaıǵaq, soltústiginde qalyń qar kútiledi. Kúndiz jaýyn-shashyn jalǵasady. Keı jerlerde tuman bolady. Jeldiń ekpini 15-20 m/s deıin jetedi.
Túnde jáne tańerteń Qyzylorda oblysynyń soltústik, shyǵys jáne ortalyq bólikterinde kóktaıǵaq, keı jerlerde tuman kútiledi.
Mańǵystaý oblysynyń soltústiginde túnde tuman men kóktaıǵaq bolady. Kúndiz keı jerlerde jel ekpini 15-20 m/s.
Pavlodar oblysynyń batys bóliginde jańbyr men qar aralas jaýyn-shashyn, boran jáne kóktaıǵaq boljanady.
Soltústik Qazaqstan oblysynda túnde qar men boran, kúndiz qar aralas jaýyn-shashyn, boran jáne kóktaıǵaq kútiledi. Keı jerlerde tuman túsedi. Jeldiń ekpini 15-20 m/s deıin jetedi.
Túrkistan oblysynyń taýly aımaqtarynda túnde jáne kúndiz jaýyn-shashyn kútiledi. Ońtústiginde naızaǵaı oınaıdy. Jeldiń ekpini 15-20 m/s bolady.
Tańerteń jáne kúndiz Ulytaý oblysynyń batys, soltústik jáne ortalyq bólikterinde qar aralasa jaýyn-shashyn, boran jáne kóktaıǵaq bolady. Keı jerlerde tuman túsýi yqtımal.
Sınoptıkter turǵyndardy jolda abaı bolýǵa jáne qaýipsizdik sharalaryn qatań saqtaýǵa shaqyrady.