«Qazgıdromet» sınoptıkteri 9 naýryz, dúısenbi kúni barlyq óńirde qolaısyz aýa raıyna baılanysty eskertý jarııalady. Eldiń birqatar aımaǵynda qar men boran, kóktaıǵaq, jańbyr men naızaǵaı, sondaı-aq ekpindi jel kútiledi, dep jazady Egemen.kz.
Sınoptıkterdiń boljamynsha, elordada mezgil-mezgil qar jaýyp, boran soǵyp, kóktaıǵaq bolýy yqtımal. Ońtústik-batystan soqqan jeldiń ekpini keı jerlerde sekýndyna 15–20 metrge jetedi. Almatyda ońtústik-shyǵystan soqqan jel kúndiz ońtústik-batysqa aýysyp, jyldamdyǵy sekýndyna 15 metrge deıin kúsheıedi. Al Shymkentte jańbyr jaýyp, naızaǵaı oınap, keı ýaqytta nóser jańbyr men tuman túsýi múmkin. Soltústik-batys jeliniń ekpini kúndiz 15–20 metrge deıin jetedi.
Aqmola oblysynda qar jaýyp, boran soǵady, kóktaıǵaq bolady. О́ńirdiń batysy men ońtústiginde tuman túsýi yqtımal. Ońtústik-batys jáne batys baǵyttan soqqan jeldiń ekpini 15–20 metrge jetip, túnde keı aýmaqtarda 25 metrge deıin kúsheıýi múmkin. Kókshetaýda túnde jáne tańerteń qar jaýyp, jaıaý burqasyn baıqalady.
Aqtóbe oblysynyń batysy, soltústigi jáne ortalyǵynda túnde qar jaýyp, jaıaý burqasyn soǵady. Kúndiz de qar jaýyp, keı jerlerde qalyń qar túsedi. Jel ońtústik-batystan soǵyp, keıin soltústik-batysqa aýysady. Keı mezette ekpini sekýndyna 23 metrge deıin kúsheıedi.
Almaty oblysynyń ońtústigi men shyǵysynda, sondaı-aq taýly jáne taý bókterindegi aýdandarda jel kúsheıedi. Onyń jyldamdyǵy sekýndyna 15–20 metrge jetip, kúndiz keı ýaqytta 23–28 metrge deıin údeýi múmkin. Qonaev qalasynda da osyǵan uqsas jel kútiledi.
Atyraý oblysynda jaýyn-shashyn túsip, negizinen qar jaýady, jaıaý burqasyn baıqalady. Batys, soltústik jáne ońtústik aýdandarynda tuman túsip, kóktaıǵaq bolýy yqtımal. Soltústik-batys jeliniń ekpini kúndiz 15–20 metrge, keı jerde 25 metrge deıin jetedi.
Shyǵys Qazaqstan oblysynyń batysy, soltústigi jáne shyǵysynda jańbyr men qar aralas jaýyn-shashyn túsip, jaıaý burqasyn soǵyp, kóktaıǵaq bolady. Keı óńirlerde tuman túsýi múmkin. О́skemende de kóktaıǵaq kútiledi.
Jambyl oblysynyń taýly aımaqtarynda tańerteń jáne kúndiz nóser jańbyr jaýady. Keı jerlerde tuman túsedi. Jeldiń jyldamdyǵy sekýndyna 23–28 metrge deıin jetýi yqtımal. Tarazda mezgil-mezgil tuman baıqalady.
Batys Qazaqstan oblysynyń batysy, soltústigi jáne ońtústiginde qar jaýyp, jaıaý burqasyn soǵady. О́ńirdiń keı bólikterinde tuman túsedi. Oralda kúndiz jaıaý burqasyn baıqalyp, jeldiń ekpini 15–20 metrge jetedi.
Qaraǵandy oblysynda túnde qar jaýyp, jaıaý burqasyn soǵyp, kóktaıǵaq bolady. Kúndiz jaýyn-shashyn qar men jańbyr túrinde túsedi. Keı jerlerde tuman kútiledi. Qaraǵandy qalasynda túnde qar jaýyp, boran bolýy yqtımal.
Qostanaı oblysynda túnde aýa temperatýrasy kúrt tómendep, keı aýdandarda 17–22 gradýsqa deıin, al soltústigi men batysynda 25 gradýsqa deıin aıaz bolýy múmkin. Shyǵys jáne ońtústik bólikterinde qar jaýyp, boran soǵyp, kóktaıǵaq bolady.
Mańǵystaý oblysynyń batysy, soltústigi jáne ortalyǵynda kóktaıǵaq kútiledi. Soltústik-batys jeliniń ekpini kúndiz 23–28 metrge deıin kúsheıedi. Aqtaýda da kóktaıǵaq bolyp, jeldiń ekpini 15–20 metrge jetedi.
Qyzylorda oblysynyń soltústigi men ońtústiginde jaýyn-shashyn túsip, kóktaıǵaq bolýy yqtımal. Keı jerlerde boran soǵyp, tuman túsýi múmkin. Jeldiń ekpini sekýndyna 25 metrge deıin jetedi.
Abaı oblysynyń soltústigi, shyǵysy jáne ortalyǵynda jańbyr men qar aralas jaýyn-shashyn túsip, jaıaý burqasyn soǵyp, kóktaıǵaq bolady. Semeıde kúnniń ekinshi jartysynda kóktaıǵaq kútiledi.
Jetisý oblysynyń keı aýdandarynda tuman túsedi. Alakól mańynda jeldiń ekpini 23–28 metrge deıin kúsheıýi yqtımal.
Ulytaý oblysynyń soltústigi men shyǵysynda túnde qar jaýyp, jaıaý burqasyn soǵyp, kóktaıǵaq bolady. Kúndiz de jaýyn-shashyn kútiledi. Jezqazǵanda túnde jáne tańerteń tuman túsýi múmkin.
Pavlodar oblysynda jańbyr men qar aralas jaýyn-shashyn túsip, jaıaý burqasyn soǵyp, kóktaıǵaq bolady. Pavlodar qalasynda túnde kóktaıǵaq kútiledi.
Soltústik Qazaqstan oblysynda túnde qar jaýyp, boran soǵyp, kóktaıǵaq bolady. Keı aýdandarda tuman túsip, jeldiń ekpini 23–28 metrge deıin jetýi yqtımal. Petropavlda da túnde qarly boran kútiledi.
Túrkistan oblysynyń ońtústigi men taýly aýdandarynda kúndiz nóser jańbyr jaýyp, naızaǵaı oınaıdy. Keı jerlerde tuman túsýi múmkin. Túrkistan qalasynda jańbyr men naızaǵaı kútiledi, jeldiń ekpini sekýndyna 15–20 metrge deıin jetedi.