Irannyń Isfahan provınsııasyndaǵy ıadrolyq nysan AQSh pen Izraıldiń soqqysyna ushyrady. Bul týraly Irannyń ISNA aqparat agenttigi eldiń Iаdrolyq qaýipsizdik ulttyq ortalyǵynyń málimetine súıene otyryp habarlady, dep jazady Egemen.kz.
Buǵan deıin Iran bıligi 1 naýryzda qarsy tarap Natanz qalasyndaǵy ıadrolyq nysanǵa eki márte soqqy jasaǵanyn málimdegen. Bul jerde ýran baıytý zaýyty ornalasqan. Alaıda sol kezde de radıasııalyq aǵyp ketý deregi tirkelmegen.
Eske salaıyq, 28 aqpanda AQSh pen Izraıl Iranǵa qarsy áskerı operasııa bastaǵanyn jarııalaǵan edi. Tel-Avıv bul árekettiń maqsaty Tegerannyń ıadrolyq qarýǵa qol jetkizýine jol bermeý ekenin málimdedi. Vashıngton Irannyń áskerı-teńiz kúshteri men qorǵanys ónerkásibin joıý qaýpin aıtyp, el azamattaryn bılikke qarsy shyǵýǵa shaqyrdy.
Shabýyldardyń saldarynan Irannyń joǵarǵy kóshbasshysy aıatolla Álı Hameneı qaza taýyp, elde 40 kúndik aza jarııalandy.
О́z aýmaǵyna jasalǵan soqqylarǵa jaýap retinde Tegeran Taıaý Shyǵystaǵy AQSh-tyń odaqtas elderinde ornalasqan amerıkalyq nysandarǵa shabýyl jasaǵany habarlandy.