2026 jylǵy Qysqy Olımpıada oıyndarynyń altyn júldegeri Mıhaıl Shaıdorov áleýmettik jelidegi paraqshasynda ózine qoldaý kórsetken barsha jankúıerlerine alǵysyn bildirdi, dep jazady Egemen.kz.
Sportshy eń aldymen Olımpıada oıyndary kezinde jankúıer bolǵan barsha halyqqa rızashylyǵyn jetkizdi.
«Olımpıada oıyndarynda maǵan jankúıer bolǵan barlyq otandastaryma kóp raqmet aıtqym keledi. Sondaı-aq kórsetilgen zor qoldaý úshin Memleket basshysyna aıryqsha alǵysymdy bildiremin», dedi ol.
Shaıdorov Qazaqstan mánerlep syrǵanaý federasııasynyń prezıdenti Baýyrjan Eralyǵa da erekshe alǵys aıtty. Onyń aıtýynsha, sońǵy bir jylda federasııa tarapynan kórsetilgen qoldaý men atqarylǵan jumys sporttyń damýyna úlken úles qosty.
Mıhaıl Shaıdorov: Olımpıadadaǵy jeńisime Denıs Tenniń yqpaly zor
Sonymen qatar sportshy búkil maýsym boıy janynan tabylǵan mamandarǵa, jattyqtyrýshylarǵa jáne komanda múshelerine rızashylyǵyn jetkizdi.
«Maýsym óte aýyr boldy. Osy jolda janymda bolǵan barlyq mamandarǵa, jattyqtyrýshylarǵa jáne qoldaý kórsetken jandarǵa shyn júrekten alǵys aıtamyn», dedi chempıon.
Ol trıbýnada otyryp, ekran aldynda qoldaý bildirgen jankúıerlerge, áleýmettik jelide jazba jarııalap, jyly lebizin bildirgen azamattarǵa da erekshe rızashylyq tanytty.
Armannan altynǵa deıin: Mıhaıl Shaıdorovtyń chempıondyq joly
«Sońǵy eki kúnde ne sezinip júrgenimdi sózben jetkizý múmkin emes. Áli de uıyqtaǵan joqpyn, biraq barshańyzǵa úlken energııa joldap, zor alǵysymdy aıtamyn», dedi Mıhaıl Shaıdorov.
Aıta keteıik, Dımash Qudaıbergen erler arasyndaǵy mánerlep syrǵanaýdan Olımpıada chempıony Mıhaıl Shaıdorovty Mılanda ótken Qysqy Olımpıadadaǵy jeńisimen quttyqtap, sportshyǵa avtokólik syılaıtynyn aıtqan edi.