AQSh-tyń Kalıfornııa shtatyndaǵy Long-Bıch qalasynda brazılııalyq djıý-djıtsýdan álemdegi eń bedeldi ári básekesi joǵary týrnırlerdiń biri álem chempıonaty ótip jatyr. Jyl saıyn bul dúbirli dodaǵa álemniń túkpir-túkpirinen eń úzdik sportshylar jınalady, dep habarlaıdy Egemen.kz
Atalǵan jarysta elimizdiń sportshysy Alınur Qýatuly tarıhı jetistikke qol jetkizdi. Ol qońyr belbeý ıegerleri arasynda 70 kelige deıingi salmaq dárejesinde altyn medal jeńip aldy.
Bul jeńis Qazaqstan, Ortalyq Azııa jáne TMD elderi tarıhyndaǵy atalǵan sanat boıynsha Worlds álem chempıonatynda tirkelgen alǵashqy altyn júlde retinde tarıhqa endi.
Qazaqstan quramasynyń tabysty ónerin Seıilhan Bolatbek jalǵastyryp, 76 kelige deıingi salmaq dárejesinde qońyr belbeýliler arasynda chempıon atandy. Ol da jarystyń altyn medalin ıelenip, el qorjynyna taǵy bir joǵary dárejeli júlde saldy.
Al Batyr Teńizbaı 64 kelige deıingi salmaqta qola medal jeńip alyp, ulttyq quramanyń jetistigin tolyqtyrdy.
Osyndaı joǵary deńgeıdegi álemdik dodada eki altyn jáne bir qola medal jeńip alý – Qazaqstan ári Ortalyq Azııada brazılııalyq djıý-djıtsý tarıhyndaǵy eń aıtýly jetistikterdiń biri bolyp otyr.
Qazaqstan sportshylarynyń jarqyn óneri otandyq atletterdiń daıyndyq deńgeıi qarqyndy ósip kele jatqanyn kórsetip qana qoımaı, elimizdiń osy sport túrindegi halyqaralyq bedelin de aıtarlyqtaı nyǵaıtty.