Qazaqstannyń depozıtterge kepildik berý qory eldegi ınflıasııanyń baıaýlaýy jáne Ulttyq banktiń aqsha-nesıe saıasaty aıasynda azamattardyń jınaqtaý ádetinde aıtarlyqtaı ózgeris baıqalǵanyn málimdedi, dep habarlaıdy Egemen.kz
Qordyń málimetinshe, qazaqstandyq bankterdegi teńgelik depozıtter búginde qarajatty ınflıasııadan qorǵaý quraly ǵana emes, halyq úshin naqty tabys kózine aınalyp otyr.
Sarapshylardyń aıtýynsha, jyldyń birinshi toqsanynyń qorytyndysy boıynsha Qazaqstandaǵy jyldyq ınflıasııa deńgeıi 11 paıyzǵa deıin tómendegen. Sonymen qatar, bazalyq mólsherlemeniń saqtalýyna baılanysty bankter depozıtter boıynsha syıaqy mólsherlemelerin joǵary deńgeıde ustap tur.
Qazaqstanda depozıt mólsherlemeleri 20,5%-ǵa deıin ósti
Osynyń nátıjesinde bank júıesindegi merzimdi depozıtterdiń kólemi edáýir artqan. Bir toqsan ishinde bul kórsetkish shamamen eki esege ósse, jyldyq eseppen alǵanda bólshek depozıttik portfel kólemi 12 eseden astam ulǵaıǵan.
Esepti kezeńniń sońynda merzimsiz salymdar boıynsha ortasha naryqtyq syıaqy mólsherlemesi 15 paıyzdy qurady. Qazirgi tańda eń joǵary tabystylyqty 1 aıdan 6 aıǵa deıingi qysqa merzimdi depozıtter men jınaq salymdary usynyp otyr.
Mundaı salymdar boıynsha tolyqtyrý múmkindigi bar ónimderdiń jyldyq mólsherlemesi 19,8 paıyzǵa deıin jetse, tolyqtyrý quqyǵy qarastyrylmaǵan depozıtter boıynsha bul kórsetkish 19 paıyz deńgeıinde belgilengen.