Parıjden jetken padısha óner

Onyń ajy­ramas bir bó­ligi – Mon­martr. Nebir ónerdiń to­ǵysqan ólkesine aınalǵan ǵa­jaıyp aýdanǵa álemniń túkpir-túkpirinen talantty sýretshiler, aqyndar men mýzykanttar aǵylyp jatady. Monmartrdyń osyndaı ádemi lebi Astanaǵa da jetti. 

EKSPO kórmesindegi eń úl­ken pavılondardyń biri – Fran­sııa eliniki. Keshe osy alyp aý­maqta fransýzdardyń óner kú­ni atalyp ótti. Sonyń aıa­syn­da fransýz sýretshileri men qazaq­standyq qylqalam sheber­le­ri jınalyp, Fransııanyń eń kó­rik­ti oryndarynyń beınesin sal­dy. «О́ner kúninde Astana men Pa­rıjdiń ádemiligin álemge tanys­tyr­­maqshy boldyq. Biz Fransııadan esh­qandaı sýretshini arnaıy sha­qyrǵan joqpyz. Biraq Astanaǵa ar­naıy eki Parıj sýretshisi keldi. Olar­dyń shabytyna sebep bolǵan – qa­zaqtyń shalqar dalasy», dedi Fransýz pavılonynyń bas komıssary Paskal Loro.

Parıjden arnaıy kelgen sýret­shi­lerdiń biri – Sılvı Týze­rı. Ol Qazaqstanǵa alǵash ret kelip otyr eken. Qazaqstan týraly, onda ótip jatqan EKSPO kórmesi týraly óz elinde estigen ol osynda kelýge asyǵypty. «Qazaq eli meni erekshe yntyqtyryp, shabytymdy oıatty. Qazir ózime unaǵan dúnıelerdiń bárin qaǵazǵa túsirip júrmin. Dál qazir Qazaqstannyń «Nur Álem» pavılonynyń beınesin salyp jatyrmyn. Ara­synda Býrabaıǵa, Sharyn shat­qa­lyna da baryp keldim. Alǵan áse­rim keremet. Keıin Qazaqstan tý­raly, onyń tamasha tabıǵaty jaı­ynda jeke sýretter serııasyn shy­ǵarý josparymda bar», deıdi sýretshi. 

Fransııanyń óner kúnine qatysýshy qazaq­stan­dyq sýretshilerdiń ishin­de Qusmanbek Omaruly da bar. Onyń esimi ónersúıer qaýymǵa jaq­sy tanys. Almaty kór­kemóner ýchı­lıshesin bitirgen ol ýnı­ver­sı­tetten keıin «Qazaqfılm» kınostýdııasyna joldama alǵan. Ol qazaqtyń anımasııalyq fılmderin túsirýge kóp úles qosyp júr. Qus­man­bek óner kúninde Parıjdiń kór­kem kórinisterin beıneleıtin birneshe  týyndyny dúnıege ákeldi.

Budan ózge, sýretshi ári karıka­týra­shylar Ádilǵalı Baıandın, Álııa Aıtjanova, Aıtolqyn Jantemirova, Músilim Sarın syn­dy talanttar ártúrli portret­ter­di jasap shyǵardy. Al kelý­shi qonaqtar ózderine unaǵan sýret­ter­di tańdaýǵa múmkindik aldy.

Bul kúni Fransııa pavılonyn kórý­ge kelgen kópshilik qur qaıtqan joq. Pavılon týraly suraqtarǵa durys jaýap bergenderge uıymdastyrýshylar syı-syıapat kórsetip, kádesyılar taratty. 

Qymbat TOQTAMURAT,

«Egemen Qazaqstan»

sýretterdi túsirgen

Orynbaı Balmurat,

«Egemen Qazaqstan»