Uıym sammıtine shaqyrtý tabys etildi

A.Kamaldınov Korol Hamad ben Isa Ál Halıfaǵa Qazaqstan Prezıdenti Nursultan Nazarbaevtyń 2017 jylǵy 10-11 qyrkúıekte Astanada ótetin Islam yntymaqtastyǵy uıymynyń (IYU) Ǵylym jáne tehnologııalar jó­nindegi birinshi sammıtine qatysý úshin joldaǵan shaqyrýyn tapsyrdy. Atal­ǵan bastamany Memleket basshysy birinshi ret 2016 jylǵy sáýirde Ys­tan­bul­da ótken IYU-nyń  13-shi sammıti sheńberinde jarııa etken bolatyn. Ǵylymı jáne tehnologııalyq áleý­et­ti damytý salasynda musylman qaý­ymynyń kúsh-jigerin biriktirýge ba­ǵyttalǵan Astana sammıtine Uıymǵa mú­she barlyq memleket (55 el), sondaı-aq, baıqaýshy memleketter men birqatar basqa da halyqaralyq jáne óńirlik uıymdardyń birinshi basshylary shaqy­ry­lady. Sammıt qonaqtarynyń 10 qy­rkúıekte EKSPO-2017 halyq­ara­lyq mamandandyrylǵan kórmesiniń res­mı jabylý saltanatyna qatysýlary da kútilip otyr.

Bahreın Koroli Qazaqstan Pre­zıd­enti­niń shaqyrýyn úlken rıza­shylyqpen qa­byl aldy jáne bul bastama Islam álemi­niń ilgerileýi men damýyn qoldaý tur­ǵysynda mańyzdy ekendigin atap ót­ti. Ol Prezıdent N.Nazarbaevtyń bitim­ger jáne ǵalamdyq saıasatker retindegi róline joǵary baǵa berdi.

Kezdesý barysynda bahreındik monarh aldaǵy IYU sammıtine óziniń qa­ty­sýy týraly nıetin bildirdi.

Sonymen qatar, Qazaqstan Pre­zı­dentiniń Arnaıy ókili Memleket bas­shysynyń ártúrli janjaldardy she­shý boıynsha strategııalyq maqsatqa qol jetkizý men musylman elderiniń eko­nomıkalyq yntymaqtastyǵy úshin qo­laıly jaǵdaı týdyrýǵa baǵyttalǵan ózge de aıtýly bastamalary − Islamdyq tatýlasý úderisi jáne «Islamdyq ınfraqurylymdyq ıntegrasııa» baǵ­dar­­lamalyq qujatyn ázirleý týraly aıt­ty.

Jalpy alǵanda, taraptar kelissózder ba­ry­synda Astana men Manama ara­syn­daǵy ártúrli salalardaǵy ekijaqty yn­tymaqtastyqty jandandyrý joldaryn, sondaı-aq, eki eldiń halyqaralyq uıym­dar, sonyń ishinde IYU sheńberindegi óza­ra is-qımylynyń jaǵdaıy men bola­sha­ǵyn talqylady. Bahreınniń syrtqy ister mınıst­ri sheıh Haled ben Ahmad Ál Halıfa­men bolǵan kezdesýde ekijaqty ynty­maq­t­astyqtyń, halyqaralyq jáne aı­maq­tyq saıasattyń ózekti máseleleri tal­qylandy. Jýyq arada Qazaqstan-Bah­reın úkimetaralyq komıssııasyn qurý, syrtqy ister mınıstrlikteri ara­synda konsýltasııalar ótkizý, ne­gizgi ekijaqty qujattarǵa qol qoıý, bah­reındik bıznes-delegasııanyń Qazaq­stan­ǵa saparyn uıymdastyrý jáne t.b. boıynsha ýaǵdalastyqtarǵa qol jetkizildi.

Koroldiktiń bilim mınıstri Májıt ben Álı Ál-Nýeımımen kezdesýde bilim baǵdarlamalary sheńberindegi yntymaqtastyq salasyndaǵy eki eldiń ózara is-qımylyn damytý joldary, stýdenttermen jáne ǵylymı ortalyqtar arasynda tájirıbe almasý jáne t.b. máseleler qarastyryldy.