Ortalyq saılaý komıssııasynyń málimetterine qaraǵanda Qazaqstan Respýblıkasynyń toǵyz aımaǵyndaǵy aýdandyq mańyzy bar qalalarda, aýyldyq okrýgterde, aýyldyq okrýgtiń quramyna kirmeıtin kentter men aýyldar ákimderiniń saılaýy ótti.
Aýmaqtyq saılaý komıssııalarynyń habarlaýynsha, Aqmola oblysy boıynsha 136, Aqtóbe oblysynda – 77, Almaty oblysynda – 129, Shyǵys Qazaqstan oblysynda – 131, Batys Qazaqstan oblysynda – 95, Qaraǵandy oblysynda – 129, Qyzylorda oblysynda – 72, Mańǵystaý oblysynda – 26, Soltústik Qazaqstan oblysynda 138 aýyldyq okrýg ákimderi saılandy. Aýyl ákimderin saılaý kezindegi daýys berý, daýystardy sanaý jáne qorytyndy shyǵarý rásimderi saılaý týraly zańnamaǵa sáıkes ótýde. Saılaý tıisti aýdan (oblystyq mańyzy bar qala) máslıhaty depýtattary – tańdaýshylardyń otyrysynda ótkiziledi. 24 tamyzǵa deıin jalǵasatyn saılaý nátıjesinde respýblıka boıynsha barlyǵy 1 413 ákim saılanatyn bolady.
«Egemen-aqparat»