Ulybrıtanııadan kelgen týrıst úshin Kopakabana jaǵajaıy sapary kútpegen oqıǵamen aıaqtaldy. Kósheden satyp alǵan káýap úshin ol baıqaýsyzda 10 myń brazılııalyq real – shamamen 950 myń teńge tólep ketken, dep jazady Egemen.kz.
O Globo basylymynyń habarlaýynsha, oqıǵa 14 sáýir kúni Brazılııanyń bas shahary Rıo-de-Janeıroda bolǵan. Jergilikti derekterge sáıkes, kúdikti birneshe sybaılasymen birge týrıstik aımaqtarda jumys istep, sheteldikterge kóshe taǵamdaryn usynyp júrgen. Osy joly olardyń qurbany Ulybrıtanııadan kelgen áıel bolǵan. Alǵashynda taǵam baǵasy 100 real dep kórsetilgenimen, tólem jasaý kezinde termınalda múldem basqa – 10 myń real somasy shyqqan.
Polısııanyń málimetinshe, ustalǵan satýshy buryn da quqyq qorǵaý organdarynyń nazaryna ilikken. Qylmystyq top týrıster kóp shoǵyrlanatyn jerlerde ádeıi sheteldikterdi nysanaǵa alǵan. Vedomstvo ókilderi kóshe saýdagerleriniń jetkilikti deńgeıde baqylanbaýy osyndaı quqyqbuzýshylyqtarǵa jol ashyp otyrǵanyn atap ótti.
Brazılııada álem chempıonaty kezinde stadıon órtendi: Sportshylar aman ba?
Tergeý barysynda alaıaqtyqtyń negizgi tásili anyqtaldy. Satýshylar tólem termınalyndaǵy somany ádeıi ózgertip, satyp alýshyny jańylystyrǵan. Asyǵys áreket etken týrıster ekrandaǵy málimetti teksermesten PIN-kod engizip, iri somadan aıyrylyp qalǵan.
Mamandar saıahatshylarǵa qarapaıym qaýipsizdik erejelerin saqtaýdy usynady. Atap aıtqanda, tólem aldynda termınaldaǵy somany muqııat tekserý, bank habarlamalaryn qosý, kúmándi satýshylarǵa kartamen tólem jasamaý jáne qujattardy qaýipsiz jerde saqtaý qajet.
Brazılııada avtobýstar Dımashtyń sýretimen bezendirildi