Qazaqstan Respýblıkasy Munaı jáne gaz mınıstrligi
2011 jylǵy 25 tamyz №146 Astana qalasy
Qazaqstan Respýblıkasy Ekonomıkalyq damý jáne saýda mınıstrligi
2011 jylǵy 31 tamyz №275 Astana qalasy
BIRLESKEN BUIRYQ
Munaı ónimderin óndirý salasyndaǵy jeke kásipkerlik sýbektileriniń táýekel dárejesin baǵalaý ólshemderin bekitý týraly «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 13-babyna, «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» 2011 jylǵy 20 shildedegi Qazaqstan Respýblıkasy Zańynyń 7-baby 17-tarmaqshasyna sáıkes buıyramyz: 1. Qosa berilip otyrǵan Munaı ónimderin óndirý salasyndaǵy jeke kásipkerlik sýbektileriniń táýekel dárejesin baǵalaý ólshemderi bekitilsin. 2. Qazaqstan Respýblıkasy Munaı jáne gaz mınıstrliginiń Munaı-gaz keshenindegi memlekettik ınspeksııalaý komıteti (T.A. Momyshev): 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasynyń Ádilet mınıstrliginde memlekettik tirkeýden keıin resmı jarııalaýdy; 3) osy buıryqty Qazaqstan Respýblıkasy Munaı jáne gaz mınıstrliginiń ınternet-resýrsyna ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Munaı jáne gaz vıse-mınıstri L.K.Kıınovke júktelsin. 4. Osy buıryq alǵash ret resmı jarııalanǵannan keıin on kúntizbelik kún ótken soń qoldanysqa engiziledi. Qazaqstan Respýblıkasynyń Munaı jáne gaz mınıstri ________________ S. MYŃBAEV. Qazaqstan Respýblıkasynyń Ekonomıkalyq damý jáne saýda mınıstriniń mindetin atqarýshy __________________ D. ShÁJENOVA.Qazaqstan Respýblıkasy Munaı jáne gaz mınıstriniń 2011 jylǵy 25 tamyzdaǵy №146 jáne Qazaqstan Respýblıkasy Ekonomıkalyq damý jáne saýda mınıstri mindetin atqarýshynyń 2011 jylǵy 31 tamyzdaǵy №275 birlesken buıryǵymen bekitildi
Munaı ónimderin óndirý salasyndaǵy jeke kásipkerlik sýbektileriniń táýekel dárejesin baǵalaý ólshemderi
1. Osy Munaı ónimderin óndirý salasyndaǵy jeke kásipkerlik sýbektileriniń táýekel dárejesin baǵalaý ólshemderi (budan ári – ólshemder) munaı ónimderin óndirý salasyndaǵy jeke kásipkerlik sýbektilerin táýekeldiń belgili bir tobyna jatqyzý úshin Qazaqstan Respýblıkasynyń «Qazaqstan Respýblıkasyndaǵy baqylaý jáne qadaǵalaý týraly» 2011 jylǵy 6 qańtardaǵy, «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» 2011 jylǵy 20 shildedegi Zańdaryna sáıkes ázirlendi. 2. Osy ólshemderde myna uǵymdar paıdalanylady: 1) munaı ónimderin óndirýshi – munaı ónimderin óndirýdi júzege asyratyn jáne óndiris pasporty bar jeke nemese zańdy tulǵa. 2) táýekel – tekseriletin sýbektiniń qyzmeti nátıjesinde saldarynyń aýyrlyq dárejesi eskerile otyryp, adamnyń ómirine nemese densaýlyǵyna, qorshaǵan ortaǵa, jeke jáne zańdy tulǵalardyń zańdy múddelerine, memlekettiń múliktik múddelerine zııan keltirý yqtımaldyǵy; 3) táýekelderdi baǵalaý júıesi – baqylaýdy jáne qadaǵalaýdy júzege asyratyn organnyń tekserýlerdi josparlaý maqsatynda júrgizetin is-sharalar kesheni; 4) táýekel dárejesin baǵalaý ólshemderi – tekseriletin sýbektiniń tikeleı qyzmetimen, salalyq damý erekshelikterimen jáne osy damýǵa áser etetin faktorlarmen baılanysty, tekseriletin sýbektilerdi ártúrli táýekel dárejesine jatqyzýǵa múmkindik beretin sandyq jáne sapalyq kórsetkishterdiń jıyntyǵy; 5) tekseriletin sýbekti – qyzmetine baqylaý jáne qadaǵalaý júzege asyrylatyn munaı ónimderin óndirýshi; 3. Bastapqy kezde barlyq tekseriletin sýbektiler bolmashy táýekel dárejesi tobyna jatqyzylady. 4. Tekseriletin sýbektilerdi táýekel toptaryna keıingi bólý myna ólshemder boıynsha jınaǵan balǵa baılanysty júrgiziledi: tekseriletin sýbektilermen quramynda metaly bar qosyndylardy (dızel otyny úshin statıkalyq qarsy qosyndylardan basqa, temir, marganes, qorǵasyn jáne basqalary) paıdalana otyryp, benzın men dızel otynyn óndirý – 2 ball; eki jáne odan da kóp tekseriletin sýbektilermen munaı ónimderin óndirý úshin bir ǵana jabdyqty paıdalanýy – 2 ball; tekseriletin sýbektilermen shıki munaıdyń jáne (nemese) gaz kondensatynyń shyqqan jerin jáne sapasyn rastaıtyn qujattar bolmaǵan kezde munaı berýshilerden shıki munaıdy jáne (nemese) gaz kondensatyn satyp alýǵa, sondaı-aq óńdeýge qabyldaý – 2 ball; shuǵyl túrde avarııalyq jaǵdaıdy boldyrmaý qajettigi týyndaǵan jaǵdaılardy qospaǵanda, munaı ónimderin óndirý salasyndaǵy ýákiletti organmen kelispesten, munaı ónimderin óndirý úshin paıdalanylatyn tehnologııalyq qondyrǵylardyń jumysyn toqtatý jáne az qýatty tehnologııalyq qondyrǵylarmen munaı ónimderin óndirý – 2 ball; tekseriletin sýbektilerdiń shıki munaıdy jáne (nemese) gaz kondensatyn ótkizýi – 2 ball; tekseriletin sýbektide óndiris pasportynyń bolmaýy – 1 ball; tekseriletin sýbektide munaı ónimderin óndirý salasyndaǵy ýákiletti organ bekitken tehnologııalyq qondyrǵylardyń josparly-aldyn alý jumystaryn júrgizýdiń jyldyq kestesiniń bolmaýy – 1 ball; tekseriletin sýbektilerde derbes sáıkestendirý nómir-kodynyń bolmaýy – 1 ball; tekseriletin sýbektilerde Qazaqstan Respýblıkasynyń rezıdent-bankinde ınvestısııalyq baǵdarlamany qarjylandyrý úshin aǵymdaǵy shottyń bolmaýy – 1 ball; tekseriletin sýbektilerdiń ınvestısııalyq baǵdarlamalardy iske asyrý týraly eseptilikti usynbaýy – 1 ball; tekseriletin sýbektilerdiń munaı ónimderin óndirý salasyndaǵy ýákiletti organǵa vedomstvolyq statıstıkalyq qadaǵalaý nemese ákimshilik esep júrgizý úshin qajetti bastapqy statıstıkalyq derekterdi nemese bastapqy ákimshilik derekterdi usynbaýy – 1 ball; tekseriletin sýbektilerdiń munaı ónimderin óndirýdiń belgilengen eń az kólemin oryndamaýy – 2 ball. 5. Tekserý qorytyndysy boıynsha tekseriletin sýbektiniń jınaǵan balldary qosylyp esepteledi. Tekserý kezeńinde 4 baldan 6 ballǵa deıin jınaǵan tekseriletin sýbektiler ortasha táýekel dárejesi tobyna jatqyzylady. Tekserý kezeńinde 6 ball jáne odan kóp ball jınaǵan tekseriletin sýbektiler joǵary táýekel dárejesi tobyna jatqyzylady. Joǵary táýekel dárejesi tobyna kiretin tekseriletin sýbektiler tekserý kezeńinde 1 balldan 2 ballǵa deıin jınasa, ortasha táýekel dárejesi tobyna jatqyzylady. Joǵary táýekel dárejesi tobyna kiretin tekseriletin sýbektiler tekserý kezeńinde zańnamalar talaptaryn buzbasa bolmashy táýekel dárejesi tobyna jatqyzylady. Ortasha táýekel dárejesi tobyna kiretin tekseriletin sýbektiler tekserý kezeńinde 1 balldan 3 ballǵa deıin jınasa, bolmashy táýekel dárejesi tobyna jatqyzylady. 6. Josparly tekserýler táýekel dárejesine baılanysty: joǵary táýekel dárejesi kezinde – jylyna bir retten; ortasha táýekel dárejesi kezinde – úsh jylda bir retten; bolmashy táýekel dárejesi kezinde – bes jylda bir retten jıi emes kezeńdilikte júrgiziledi. Buıryq Qazaqstan Respýblıkasynyń Ádilet mınıstrliginde 2011 jylǵy 12 qyrkúıekte Normatıvtik quqyqtyq kesimderdi memlekettik tirkeýdiń tizilimine №7180 bolyp engizildi.