«Qazirgi ýaqytta men demalyp jatyrmyn. Alaıda, demalyspen qatar, jattyǵýdy da umyt qaldyrǵym kelmeıdi. Álem cheıpıonatynan keıin Qazaqstan chempıonatyna daıyndalamyn. Ulttyq quramamen jumysty ary qaraı jalǵastyra bermekpin. Odan ary ekinshi, úshinshi Olımpıadalardy kóre jatarmyz...», - deıdi chempıon.
О́ziniń kásibı boksqa aýysýy týraly bir kezdegi josparyn Danııal Eleýsinov kelesideı túsindirip berdi.
«Bárin ýaqyt kórseter... Kásibı boksqa aýysý kesh bola qoımas. Kelip jatqan usynystarǵa baılanysty sheshimimdi saralarmyn. Dál qazirgi ýaqytta qyzyǵarlyqtaı usynys bolǵan joq. Sondyqtan, kúte turamyn. Eshkimmen kelisimge qol qoıǵan joqpyn. Qyzyqqanymmen, menimen osy máseleni talqylaǵan avstralııalyq promoýterlik kompanııa áli jumysyn bastaǵan joq», - deıdi Danııar.
Olımpıada chempıony sondaı-aq, 2017 jyldyń qyrkúıeginde Gambýrgte ótkeli jatqan álem chempıonatyna qatysty pikirin bildirdi.
«Bizdiń komanda jas ári onyń jeńiske qulshynysy zor. Sondyqtan, kem degende 1-2 altyn medal alyp kelýi kerek», - dedi Danııar Eleýsinov.
Eske sala ketsek, Danııar Eleýsinov Qazaqstannyń ózge de tanymal sportshylarymen birge Astana halyqaralyq ShYU marafonyna qatysady. Halyqaralyq marafon 27 tamyzda tańerteńgi 07:30 ýaqytynda bastalady.