Kezdesý barysynda D.Myńbaı Qazaqstan halqy Assambleıasynyń qurylý tarıhymen, konstıtýsııalyq mártebesimen, qoǵamdyq kelisim men jalpyulttyq birlikti nyǵaıtýdaǵy maqsatymen tanystyrdy. Sonymen qatar, Germanııa men Qazaqstan arasynda qalyptasqan senimdi ári ashyq qarym-qatynasty, Qazaqstan Respýblıkasy Prezıdenti N.Nazarbaev pen Federaldy kansler A.Merkelmen úzdiksiz tikeleı baılanysta ekendigin atap ótti.
«Germanııa – Qazaqstannyń mańyzdy ári negizgi áriptesteriniń biri bolyp tabylady. Bizdiń memleketterimizdiń arasyndaǵy dıalog senimdilikpen jáne ashyqtyqpen erekshelenedi. 25 jyl ishinde eki el arasyndaǵy dıplomatııalyq qarym-qatynasty ornatý barysynda, biz senimdi jáne belsendi dıalog alańyn qura aldyq. Konrad Adenaýer atyndaǵy qormen qarym-qatynasymyz osy serpindi óz deńgeıinde ustaýǵa sebep bola alady», – dedi D.Myńbaı.
Qordyń ókilderi Qazaqstan tájirıbesiniń tıimdi ekendigin jáne Assambleıanyń ultaralyq turaqtylyqty jáne qoǵamdyq kelisimdi kúsheıtýde, respýblıkada turatyn barlyq etnostardyń quqyqtaryn qorǵaýda mańyzdy ról atqaratynyn eskerip ótti. Sondaı-aq, Tomas Helm Qazaqstannyń etnosaralyq qatynasty garmonııada, ultaralyq dıalog pen birlikti nyǵaıtýda sózsiz kóshbasshy ekendigin de nazardan tys qaldyrmady.
Nurlybek DOSYBAI, «Egemen Qazaqstan»