M.Kóbenov aýdan ortalyǵy Aqtoǵaı aýylynda óndiris nysandaryn aralap, «Aqtoǵaı-Agro» fırmasynyń sýarmaly jerler men egis alqaptarynda boldy. Aqtoǵaı aýdanynyń ákimi A.Ámirınmen kezdesý barysynda aımaqtyń áleýmettik-ekonomıkalyq damý máselelerin talqylady.
Senator Aqtoǵaı aýyldyq okrýginiń Prırechensk aýylynda jáne Razýmov aýyldyq okrýginiń Andrııanovka aýylynda bolyp, ákimdik qyzmetkerlerimen, aýyldyq okrýgterden saılanǵan depýtattarmen jáne jurtshylyqpen kezdesti. Osy eldi mekenderdi sýmen qamtamasyz etý jáne jyldyń barlyq mezgilinde sýmen qamtamasyz ete alatyn sý qubyrynyń qurylysy týraly máseleler talqylandy.
Aýyl turǵyndary sýmen qamtamasyz etý jónindegi atqarylyp jatqan jumystarǵa rızashylyq bildirdi.
Senator Ertis aýdanynyń Panfılov aýyldyq okrýgin aralaý barysynda turǵyn úılerge sý qubyryn júrgizý, sondaı-aq, Panfılov mektebine modýldik qazandyq ornatý jumystarymen tanysty. Aýyl ákimi A.Káribaev turǵyn úılerge aýyzsý jetkizý jumystary 70 paıyzǵa oryndalǵanyn aıtty, dep habarlady Parlament Senatynyń baspasóz qyzmeti.