Reseı AQSh-tyń Eýropada zymyranǵa qarsy qorǵanys júıesin qurýyna jaýap retinde áskerı-tehnıkalyq sharalar qabyldaı bastady. Kremldegi joǵary dárejeli derek kóziniń sózine qaraǵanda, Reseı bıligi qazirdiń ózinde ne isteý kerek ekenin aıqyn uǵynyp otyr.
Bizdiń jaýabymyz, deıdi ol, arzan bolady, biraq asa tıimdiligimen erekshelenedi. Joǵarydaǵy laýazym ıesiniń aıtýynsha, amerıkalyqtar Eýropadaǵy júıesin Reseı pikirimen eseptespeı qurǵylary keledi. Al mundaı birjaqty sheshimmen esh kelisýge bolmaıdy. AQSh tarapy ózderiniń nysandary Reseıge qarsy baǵyttalmaıtynyn kóldeneń tartyp otyr.
LIVIIаNYŃ ÁÝE KEŃISTIGI AShYLADY
Lıvııanyń ulttyq ótpeli keńesi NATO-men kommersııalyq avıasııa úshin óziniń áýe keńistigin ishinara bolsa da ashý týraly ýaǵdalastyqqa qol jetkizdi. Reısterge Lıvııanyń azamattyq avıasııa basqarmasy qyzmet kórsetpek. Bul elge gýmanıtarlyq kómek jetkizýge de qolaıly jaǵdaı týǵyzǵaly otyr.
Ulttyq ótpeli keńes pen NATO arasyndaǵy ýaǵdalastyq jaqyn arada kúshine enbek. Bul 1973 jylǵy Lıvııanyń áýe keńistiginde ushýǵa ruqsat bermeıtin BUU Qaýipsizdik Keńesiniń qarary kúshinde turǵanyna qaramastan, júzege aspaqshy. Keıinirek birtindep qarardyń kúshin joıý kózdelgen. Biraq, ol ulttyq ótpeli keńestiń elde qanshalyqty jyldam tártip ornatatynyna tikeleı baılanysty bolmaq.
OBAMA IRANDY JAÝAPQA MÁJBÚRLEMEK
AQSh prezıdenti Barak Obama Iran basshylyǵy Saýd Arabııasynyń AQSh-taǵy elshisin óltirýdi josparlaǵany úshin jaza tartýy tıis dep málimdedi. Biraq ol Irannyń rýhanı kósemi Álı Hameneı men el prezıdenti Mahmud Ahmadınejadty tikeleı aıyptaǵan joq.
Sóıtip, B.Obama Tehranǵa qatysty eń qatal shara qabyldaýǵa shaqyrdy. Vashıngton Saýdııa elshisi Ádel ál-Jýbeıraǵa qastandyq uıymdastyrýǵa qatysty 11 qazan kúni aıyptaǵan málimdeme jasaǵan edi. Federaldy tergeý bıýrosynyń nusqasy boıynsha, elshi AQSh aýmaǵyndaǵy meıramhanalardyń birinde jaryp jiberilmek eken.
QAQTYǴYSTA 36 ADAM OPAT BOLDY
Sırııada oppozısııa ókilderi men prezıdent Bashar Asadtyń jaqtastary arasyndaǵy qaqtyǵys barysynda 36 adam kóz jumdy. Qaza tapqandardyń 25-i áskerı qyzmetshiler kórinedi. Qandy qasap Asadtyń áskerleri Sırııanyń soltústigindegi Banash qalasyna shabýyl jasaǵan kezde oryn alǵan.
«Ál-Jazıra» telearnasynyń habarlaryna qaraǵanda, prezıdentke qarsylar ózderiniń narazylyqtaryn kóp jaǵdaıda beıbit demonstrasııalar arqyly bildirýge umtylady eken. Al bılik bolsa, oppozısııany beıbit turǵyndarǵa oq atyp júrgen qarýly bandalardy búrkemelep otyr dep aıyptaıdy. Sóıtip, ústimizdegi jyldyń naýryz aıynyń sońynda bastalǵan bılikke qarsy sherýler toqtalar emes.
ÚSh AIDA 70 MILLION DOLLAR JINADY
AQSh prezıdenti Barak Obama men Demokratııalyq partııa shilde men qyrkúıek aılary ishinde prezıdenttik saılaý naýqany úshin 70 mıllıon dollar jınap úlgergen. Máselen, Obama shtaby 42,8 mıllıon dollar tapsa, Demokratııalyq partııanyń ulttyq komıteti 27,3 mıllıon dollar shoǵyrlandyrǵan.
Sáýir men maýsym aılaryn qosa eseptegendegi sol aralyqta jınaqtalǵan soma 86 mıllıon dollardy quraǵan edi. Al prezıdenttikke Respýblıkalyq partııadan yqtımal kandıdattar aıtarlyqtaı az qarjy jınaǵan. Mysaly, Tehas gýbernatory Rık Perrı sol merzim ishinde bar bolǵany 17 mıllıon dollardyń ǵana basyn quraı alǵan.
SAILAÝALDY BAǴDARLAMASYN JARIIаLADY
Reseı Federasııasynyń kommýnıstik partııasy saılaýaldy baǵdarlamasyn jarııalady. Onyń tolyq mátini partııanyń saıtyna ornalastyryldy. Kommýnıster ózderiniń baǵdarlamasynda el aldynda turǵan 5 basty synaqty atap kórsetedi.
Olar: orasan áleýmettik teńsizdik, demografııalyq apat, ekonomıkanyń quldyraýy, qorǵanys qabiletiniń joǵalýy jáne rýhanı-adamgershilik azǵyndaý. Osyǵan baılanysty kommýnıster óz baǵdarlamasyn myna júıe boıynsha quryp otyr. Olar: jańa úsh syrtqy saıası baǵyt, bes áleýmettik basymdyq jáne jeti jańa ekonomıkalyq saıasat.
QYSQA QAIYRYP AITQANDA:
Baǵdadta eki jarylys jasaldy. Onyń saldarynan kem degende 16 adam opat bolǵan. Sońǵy kezderi Irakta lańkestik áreketter jıileı tústi. Máselen, ústimizdegi jyldyń tamyz-qyrkúıek aılarynda ǵana el aýmaǵynda 424 adam kóz jumdy.
AQSh grekııalyq anarhısterdi dúnıe júzindegi qaterli toptardyń qataryna qosty. О́ıtkeni, anarhıster 2009 jyldan beri Grekııa aýmaǵyndaǵy túrli elderdiń memlekettik mekemelerinde jarylystar uıymdastyryp júr.
Kýba basshylyǵy AQSh-pen tutqyndar almasýdan bas tartty. Amerıkalyqtar AQSh-ta jansyzdyq jasaǵany úshin sottalǵan kýbalyq Rene Gonsalesti Kýbada 15 jylǵa túrmege qamalǵan óz azamaty Alan Grossqa aıyrbastamaq bolǵan edi.
Reseıdiń «Transneft» kompanııasy Qytaıǵa kómirsýtegi shıkizatyn jiberýdi ýaqytsha toqtatty. Buǵan Amýr oblysynda oryn alǵan jer silkinisi sebep boldy. Keıbir derek kózderine qaraǵanda, onyń qýaty 5,6 ball men 6,4 ball aralyǵyn quraǵan.
Ýkraınanyń eks-prezıdenti Leonıd Kýchmanyń burynǵy kúzetshisi, otstavkadaǵy maıor Nıkolaı Melnıchenko AQSh-qa qashyp ketken. Onyń sózine qaraǵanda, el bıligi tarapynan qysym kórgen sekildi.
Internet materıaldary negizinde ázirlendi.