Ońtústikte Elbasynyń «Qazaqstannyń Úshinshi jańǵyrýy: jahandyq básekege qabilettilik» Joldaýynda júktelgen mindetterdi júzege asyrýǵa baǵyttalǵan aýqymdy jumystar atqarylyp jatyr.
Arys óńirinde sońǵy jyldary áleýmettik-ekonomıkanyń turaqty ósimi baıqalady. «Agrarlyq sektor ekonomıkanyń jańa draıverine aınalý kerek» degen edi Memleket basshysy. Bul baǵytta da Arys qalasy boıynsha júıeli jumystar júrgizilýde dep aıtýǵa tolyq negiz bar.
Elbasynyń tapsyrmasyna sáıkes Parlament Májilisiniń depýtaty Erjan Qudaıbergen Tólepuly jumys saparymen Arys qalasyna arnaıy kelip, turǵyndarmen kezdesýinde Parlamente qabyldanyp jatqan zańdar, qoǵamnyń órkendep damýy jolynda atqarylyp jatqan jumystar týraly baıandady.
Májilis depýtaty Arys qalasyna qarasty Aqdala aýyldyq okrýgindegi Agrofırma «Jańa Aqdala» JShS-nyń jońyshqa alqabynda boldy. Oblys kóleminde alǵashqylardyń biri bolyp ákelingen jańa tehnologııanyń qoldanylýymen júzege asyp otyrǵan jańbyrlatyp sýarý ádisimen tanysty. Sapar barysynda Qudaıbergen Tólepuly Aqdala aýyldyq okrýginiń turǵyndarymen kezdesip, halyqtyń ótinishterin tyńdady.
Baqtııar TAIJAN, «Egemen Qazaqstan»