Búgin Býdapeshtte dzıýdodan Álem Chempıonaty bastaldy. Álem birinshiliginiń alǵashqy kúniniń irikteý kezeńiniń nátıjesi boıynsha qazaqstandyq 3 dzıýdoshynyń ekeýi jubanysh beldesýinde beldesetin bolsa, bireýi jartylaı fınalǵa shyqty.
48 kelige deıingi salmaq dárejesinde Qazaqstan ulttyq qurama komandasynan tatamıge Otgonseseg Galbadrah shyqsa, erlerden 60 kelige deıingi salmaq dárejesinde Eldos Smetov pen Ǵusman Qyrǵyzbaev beldesti.
Otgonseseg Galbadrah (48 kg) jarysqa ekinshi aınalymnan qosyldy. Álem Chempıonatyndaǵy alǵashqy qarsylasy fransýz Franchıska Mılanıden golden skorde basym tússe, ekinshi beldesýinde ýkraınalyq Darııa Bılodıdti ýaqytynan buryn taza jeńip, shırek fınalda Izraıl sportshysy Noa Mınserden basym túsip, jartylaı fınalǵa joldama aldy. Otgonseseg Galbadrah jartylaı fınalda japon qyzy Tonakı Fýnamen kezdesedi. Aıta keterligi, Tonakı Fýnamen Galbadrah buǵan deıin Azııa Chempıonatynyń jartylaı fınalynda kezdeskende Galbadrah Otgonseseg ıpponmen jeńgen bolatyn. Reıtıngtegy orny – 13 oryn.
Eldos Smetov (60 kg) alǵashqy beledsýinde Mozambık sportshysy Neýso Sıgaýkeni jeńip, ekinshi aınalymda brazılııalyq Erık Takabatakemen negizgi ýaqytta teń kúresip, qosymsha ýaqytta vazarı upaıymen basym tústi. Irandyq Mohammat Rashnonezadty taza jeńgen Eldos Smetov shırek fınalda Ázirbaıjan sportshysy Orhan Safarovqa eskertý qaǵazymen utylyp, jartylaı fınalǵa óte almady. Endi Eldos Smetov jubanysh beldesýinde mońǵolııalyq Ganbat Boldbaatarmen kúresedi.
Ǵusman Qyrǵyzbaev (60 kg) jarystyń birinshi aınalymyda-aq birinshi qarsylasy fransýz Rıvol Chedrıkti aıqyn basymdyqpen jeńip, ekinshi aınalymda Italııa sportshysy Elıos Mansıden de aılasyn asyra aldy. Úshindi aınalymdaǵy qarsylasy mońǵol sportshysy Dashdava Amartývshındi jeńgen dzıýdoshymyz Ǵusman Qyrǵyzbaev shırek fınalda cheh sportshysy Pavel Petrıkovqa qosymsha ýaqytta ese jiberip, jubanysh beldesýinde kúresýge múmindik aldy. Otandasymyzdyń jubanysh beldesýindegi qarsylasy – ózbek balýany Mýhrıddın Tılovov.
Esterińizge sala ketsek, Býdapeshtte dzıýdodan Álem Chempıonaty ótýde. 28 tamyz ben 3 qyrkúıek aralyǵynda ótetin álem birinshiligine álemniń 126 elinen 731 dzıýdoshy qatsyp jatyr. Atalmysh dodada Qazaqstan qurama sapynan 18 dzıýdoshy el namysyn qorǵaıdy. Olar:
Erler:
Eldos Smetov (60 kg) Ǵusman Qyrǵyzbaev (60 kg) Azamat Muqanov (66 kg) Eldos Jumahanov (66 kg) Jansaı Smaǵulov (73 kg) Azız Qalqamanuly (81 kg) Islam Bozbaev (90 kg) Maksım Rakov (-100 kg) Erjan Shynkeev (+100 kg)Áıelder:
Otgonseseg Galbadrah (48 kg) Sevara Nyshanbaeva (57 kg) Anna Kazıýlına (57 kg) Marıan Ýrdabaeva (63 kg) Dilbar О́mirálıeva (63 kg) Zere Bektasqyzy (70 kg) Albına Amangeldıeva (-78 kg) Zarına Raıfova (-78 kg) Gúljan Isanova (+78 kg)