12 mamyr kúni Qazaqstannyń birneshe óńirinde aýa raıy kúrt qubylyp, jel kúsheıedi. «Qazgıdromet» málimetinshe, eldiń batysynda shańdy daýyl kóterilýi múmkin. Al soltústik, shyǵys jáne ortalyq aımaqtarda túnde úsik júredi, dep habarlaıdy Egemen.kz.
Elordada jaýyn-shashyn bolmaıdy. Aýa temperatýrasy túnde -1…-3 gradýsqa deıin tómendep, kúndiz +13…+15 gradýsqa deıin jylıdy. Jeldiń jyldamdyǵy sekýndyna 15-20 metrge deıin jetedi.
Almatyda kún bultty, jańbyr jaýyp, naızaǵaı oınaıdy. Túnde +10…+12 gradýs, kúndiz +14…+16 gradýs shamasynda bolady.
Shymkentte jaýyn-shashyn kútilmeıdi. Túnde +11…+13 gradýs, kúndiz +22…+24 gradýs jyly bolady. Keı ýaqytta jeldiń ekpini 15-20 metrge deıin kúsheıýi yqtımal.
Batys óńirlerde kún aıtarlyqtaı jyly bolady. Aqtaýda túnde +16…+18 gradýs, kúndiz +26…+28 gradýsqa deıin ysıdy. Atyraýda túnde +15…+17, kúndiz +26…+28 gradýs.
Qaraǵandy men Pavlodar oblystarynda túngi ýaqytta -1…-3 gradýsqa deıin sýyq bolady. Pavlodarda jańbyr jaýyp, jeldiń ekpini sekýndyna 23-28 metrge deıin jetýi múmkin.
Petropavlda jel kúsheıip, aýa temperatýrasy túnde +2…+4 gradýs, kúndiz +15…+17 gradýs bolady. Semeıde túnde 0…+2 gradýs, kúndiz +12…+14 gradýs, al О́skemende túnde +1…+3 gradýs, kúndiz +11…+13 gradýs shamasynda bolady.
Ońtústik óńirlerde kún jyly ári ashyq bolady. Qyzylordada túnde +8…+10 gradýs, kúndiz +23…+25 gradýs kútiledi. Túrkistanda túnde +12…+14, kúndiz +22…+24 gradýs bolsa, Tarazda kúndizgi temperatýra +18…+20 gradýsqa deıin kóteriledi.
Sınoptıkter jel kúsheıetin jáne úsik júrýi yqtımal aımaqtardyń turǵyndaryna saq bolýǵa keńes beredi.
Nurbolat AMANBEK