Amerıkalyq bıznesmen Ilon Mask Twitter-degi paraqshasynda Hyperloop jolaýshy kapsýlasy prototıpiniń vıdeosyn jarııalady.
Kapsýla testtik vakýmdy qubyrmen qozǵalý arqyly rekordtyq jyldamdyqqa jetti. Bul kapsýlany Mıýnhen tehnıkalyq ýnıversıtetiniń (Germanııa) stýdentteri jasap shyǵardy. 30 stýdentten turatyn toptyń aty WARR Hyperloop.
Ýnıversıtet saıtyndaǵy málimet boıynsha, salmaǵy 80 kılogramm qurylǵy, 50 kılovatt qýaty bar elektr qozǵaltqyshy arqyly 324 km/saǵ jyldamdyqqa jetken. Komanda sońǵy jarty jyl boıy WARR (Workgroup for Rocketry and Space Flight) prototıpimen aınalasyp keledi. Osy jobamen jas ónertapqyshtar qańtarda ótken Hyperloop pod competition saıysynyń jeńimpazdary atanǵan eken.
SpaceX bastamasymen ótkizilgen jarys kalıfornııalyq Hotorn qalasynda ótti. Buǵan deıingi rekordqa ónertapqyshtar 2017 jyldyń 2 tamyzynda jetken bolatyn. Nevada shtatynda ornalasqan DevLoop trassasynda kapsýla 310 km/saǵ jyldamdyqqa deıin jetti.
Aıgúl ShERNIIаZ,
«Egemen Qazaqstan»