Atyraý turǵyndary Konstıtýsııa kúnine uıymdastyrylǵan jərmeńkede kókónisterdi bazar naryǵynan 15-20 %-ke arzan baǵaǵa aldy, - dep habarlaıdy Atyraý oblysy óńirlik kommýnıkasııa qyzmeti.
Jərmeńkege aımaqtaǵy 20-dan astam sharýashylyq qatysyp, 10 tonna kókónis, baqsha daqyldary men jarty tonnadan astam balyq ónimderin usyndy. Atyraý oblysynda memlekettiń qoldaýy arqasynda egindik alqap kólemi jyl sanap artyp keledi. Qazir óńirde pııaz, səbiz, qyzylsha sekildi baqsha ónimderine tapshylyq joq. Mamandar kartop ımportynyń tómendegenin aıtady. Bıyl 22,9 mıllıard teńgeniń aýyl sharýashylyǵy ónimderi óndirildi. Aımaqta aýyl sharýashylyǵy, egin sharýashylyǵy ónimderin shyǵarý men óńdeý isi damyp keledi. Tamshylatyp sýarý ədisi 2 300 gektar jerge qoldanylady.
- Konstıtýsııa kúnine arnalǵan osy sharamen aýyl sharýashylyǵy ónimderiniń jərmeńkesin bastap otyrmyz, ol kúz boıy jalǵasady,- deıdi Atyraý qalalyq kəsipkerlik jəne týrızm bóliminiń basshysy Rýslan Ibraev.
- Aımaqtaǵy taýar óndirýshilerdi aldaǵy sharalarǵa belsendi qatysýǵa shaqyramyz. Akyl sharýashylyǵy ónimin óndirýshiler úshin qolaıly jaǵdaı jasalady. "Saraıshyq" bazarynan ónimderin satýǵa oryndar tegin beriledi. Al tutynýshylar joǵary sapaly jergilikti ónimderdi qoljetimdi baǵada alady. Kommýnaldyq bazar kəsipkerlerge saýda jasaý qyzmetiniń keshendi túrin usynady.
Rýslan Ibraevtyń aıtýynsha, jergilikti óndirýshilerdiń aýyl sharýashylyǵy ónimderiniń jərmeńkesi "Saraıshyq" bazarynyń alańynda salqyn túskenshe uıymdastyrylady.
Baqytgúl BABASh,
«Egemen Qazaqstan»