Bokstan álem chempıonatynyń fınaldyq kezdesýleri ótip jatyr.
Búgin bokstan Germanııanyń Gambýrg qalasynda ótip jatqan álem chempıonatynyń fınaldyq básekesi bastaldy. Fınalǵa Qazaqstan quramasynan úsh boksshy ótken bolatyn.
Fınalǵa qatysatyn boksshylarymyzdan rıngke ekinshi bolyp 75 kılo salmaqtaǵy Amanqul Ábilhan shyǵyp, el qorjynyna kúmis júldeni saldy. Ol fınalda 2017 jylǵy Eýropa chempıony atanǵan ýkraınalyq qarsylasy Aleksandr Hıjnıaktan upaı sanymen jeńilip, bokstan 2017 jylǵy álem chempıonatynyń kúmis júldegeri atandy.
Aıta keteıik, buǵan deıin Qaırat Erálıev amerıkalyq qarsylasyn jeńip, álem chempıony atanǵan bolatyn.
Eske salsaq, buǵan deıin Jomart Erjan (49 kg), Abylaıhan Júsipov (69 kg) jáne Vasılıı Levıt (91 kg) jartylaı fınalda qarsylastarynan jeńilip, álem birinshiliginiń qola júldegeri atanǵan bolatyn.
Endi, +91 kılo salmaqtaǵy Qamshybek Qońqabaev fınaldyq kezdesýin ótkizý úshin sharshy alańǵa shyǵatyn bolatyn.