Márııamgúldi eske alýǵa arnalady

Bıylǵy baıqaýǵa óz elimizden, Reseı, О́zbekstan, Mońǵolııa, Armenııa jáne Bolgarııadan jıylǵan 40 shaqty jas ánshi qatyspaq. Qyrkúıektiń 5-i men 10-y aralyǵynda ótetin bul kon­kýrstyń negizgi ereksheligi – aldyńǵy baıqaýlarda jeńiske jetken ánshilerdiń qazylyq etýi. Atap aıtqanda, KSRO ha­lyq ártisi jáne Memlekettik syı­lyqtyń laýreaty Bıbigúl Tólegenova tóraǵalyq etetin qazylar alqasynyń quramynda «Astana opera» opera jáne balet teatrynyń jetekshi so­lısteri, Qazaqstannyń Eńbek si­ńi­rgen qaıratkerleri Talǵat Musabaev, Súndet Baıǵojın, Dına Hamzına jáne Bashqurtstan Respýblıkasynyń eńbek sińirgen artısi Alfııa Karımova men О́zbekstannyń halyq ártisi Ramız Ýsmanov bar.

Baspasóz máslıhatynda Bıbigúl Tólegenova osynaý óner báıgesiniń tarıhy týraly áń­gi­meleı kele, onyń negizin qala­ǵan óz qyzy Márııamgúl Tó­legenova ekenin aıtty. Eger ol tiri bolǵanynda bıyl 65 jasqa tolady eken. Sondyqtan dál osy joly ótkiziletin baıqaý Má­rııamgúldi eske alýǵa arnalat­y­nyn málimdedi. Sondaı-aq, da­ryndy jas­tar júlde alyp j­atatyn bul sharanyń olardyń shyǵarmashylyq ómirindegi eleýli bir beles ekenin de jetkizdi. «Bizdiń baıqaýda top jarǵan jastardyń kópshiligi qazir jer júzin aralap, óner kórsetip júr. Qazirgi kezde ónerińdi tanytýdyń joly kóp. Bizdiń jas kezimizde mun­daı múmkindikter joqtyń qa­sy edi», dedi bulbul ánshi. Ol sondaı-aq, júlde qorynyń da qomaqty ekenin, bas júldege 10 myń dollar kóleminde qarjylaı syıaqy beriletinin alǵa tartty.

Baıqaý barysynda jas oryndaýshylar klassıkalyq ánderdi de, halyq ánderin de oryndaıtyn bolady. Bul jaǵynan alǵanda baıqaý qazaq mýzykasynyń tańdaýly úlgilerin oryndaý mádenıetin jańǵyrtýǵa da qyzmet et­pek. Synaq irikteý jáne aq­tyq kezeńderden turyp, barlyq tyń­­daýlar Qarýly kúshterdiń Ult­­tyq áskerı-patrıottyq or­ta­lyǵynda, kópshilik aldynda ótpek. Júzden júırik je­ńimpazdar 10 qyrkúıekte «Qazaqstan» ortalyq konsert zalynda marapattalady.

Aıgúl SEIIL, «Egemen Qazaqstan»