Búgin EKSPO-2017 Halyqaralyq mamandandyrylǵan kórme aıasynda О́zbekstan Respýblıkasynyń Ulttyq kúni atap ótildi.
Astana qalasyndaǵy Kórme álemniń barlyq memleketteri men aımaqtary úshin iri ekonomıkalyq áleýet jáne mańyzdy is-shara bolyp tabylady. EKSPO-2017 kórmesi iskerlik toptar men halyqaralyq deńgeıdegi uıymdar arasynda yntymaqtastyqtyń nyǵaıýyna yqpal etedi. Bul týraly is-shara barysynda О́R Prezıdentiniń Memlekettik keńesshisi, О́zbekstan Jastar odaǵy Ortalyq keńesiniń tóraǵasy Kahramon Kýranbaev málimdedi. Onyń aıtýynsha, О́zbekstan memleketi saıası, saýda-ekonomıkalyq, ınvestısııalyq, kólik-kommýnıkasııalyq, mádenı-gýmanıtarlyq jáne energetıka salalarynda bolashaq damý boıynsha Qazaqstan Respýblıkasymen ekijaqty yntymaqtastyqtyń nyǵaıýyna úlken mán beredi.
Kahramon Kýranbaev: «Osyndaı aýqymdy is-sharaǵa qatysý Eýropa men Azııa, Batys pen Shyǵys aralyǵynda dıalogtyq seriktestiktiń nyǵaıýyna taǵy bir qadam bolyp tabylady. EKSPO-2017 Kórmesi energetıka salasyndaǵy ǵylymı-tehnıkalyq ázirlemeler men ozyq energııa únemdeıtin tehnologııalar zerttemelerin ornatý jáne osy saladaǵy basym baǵyttardy júzege asyrý boıynsha «jasyl energııanyń» jaǵymdy beınesin nyǵaıtýǵa múmkindik beredi», - dep atap ótti.
Qazaqstan Respýblıkasy Ulttyq ekonomıkasynyń birinshi vıse-mınıstri Rýslan Dalenov óz kezeginde Qazaqstan úshin О́zbekstan Respýblıkasynyń sońǵy jyldary ekonomıkanyń energııa men resýrstar syıymdylyǵyn tómendetý, energııa únemdeıtin tehnologııalarynyń óndirisi men eńbek ónimdiligin arttyrý úshin qoldanǵan birqatar sharalaryna erekshe qyzyǵýshylyǵyn tanytatynyn habarlady.
«Bolashaq energııasy» EKSPO-2017 taqyryby О́zbekstannyń 2017-2021 jyldar aralyǵanda jańartylatyn energetıkanyń aldaǵy damýy, ekonomıka jáne áleýmettik salalarynda energııa tıimdiligin kóterý boıynsha baǵdarlamalarynyń júzege asýymen tyǵyz baılanysty. Erekshe bıo-mobıl sııaqty sońǵy ınnovasııalyq ázirlemelerdi usynatyn О́zbekstan ulttyq pavılony biregeı bolyp tabylady», - dedi QR Ulttyq ekonomıkasynyń birinshi vıse-mınıstri.
О́zbekstan EKSPO-2017 kórmesine «Jastar - bolashaq energııasy» uranymen qatysady. О́zbekstan jastarynyń taza energııa jáne ekologııa, resýrstardy tıimdi qoldaný máselelerin sheshýge belsendi qatysýy oǵan aıqyn dálel bola alady. Respýblıka halyq sanynyń 64 paıyzdan astamyn 30 jasqa deıingi jastar quraıdy. О́R Prezıdentiniń Memlekettik keńesshisi Kahramon Kýranbaev atap ótkendeı, eldiń damýyna yqpal etetin bul adamı áleýetti qadirleý kerek.