Iıa, aına qatesi joq shyndyq, taqyrypqa shyǵaryp otyrǵanymyzdaı óndirisi órge basyp tur delinip júrgen Aqtóbe aımaǵynyń ózinde 13 óndiristik kásiporyn toqtap tur.
Qýattap, qoldap, qol soǵatyndaı qubylys emes, árıne. Buǵan deıingi júrgizilgen jýrnalıstik taldaýlar men zertteýler bulardyń toqtap turyp qalýynyń belgili bir obektıvti sebepteri bar ekenin ańǵartady. Sondyqtan bul kásiporyndarǵa jergilikti atqarýshy bılik organdary tarapynan ustanylyp otyrǵan kózqaras ta ári tartpaı, beri tartý sıpatyna kelińkireıdi. Bulaı bolatyn sebebi osy kásiporyndardyń qataryndaǵy «NTS-Traktor» , «Alǵabas», «Ádemi», «Aq rýno», «Kompanııa Tekshe Tas» sekildi kásiporyndar qaıtadan silkinip, temir beton saqınalaryn, plıta jelimin, sút-aıran jáne basqa da ónimder óndirý boıynsha qam-qareketter jasap otyr eken.
Bos turǵan kásiporyndardy iske qosý otandyq óndiristerdi tehnologııalyq turǵydan qaıa jańǵyrtý talaptarymen úndes ári ózektes. Sondyqtan da osy oraıda oblysta tıimdi sharalar qabyldaý qajettigi belgilengen. Kórsetilgen mindetter qazirgi kezde qıyn jaǵdaıda qalǵan kásiporyndarǵa barynsha qolaıly jaǵdaılar týǵyzýdy kózdeıdi. Bul baǵytta ony birneshe naqty joldar men tásilder arqyly iske asyrý qarastyrylǵan. Munyń birinshisi jańa ınvestor izdestirýge negizdelse, ekinshisi óndiris oryndaryn jalǵa berý múmkindikterin kózdeıdi. Sonymen qatar turyp qalǵan kásiporyndardyń bazasynda bıznes ınkýbatorlar qurý qajettiligi de tyǵyryqtan shyǵýdyń bir joly dep tabylyp otyr.
Temir QUSAIYN, «Egemen Qazaqstan»