Astanada kóliktegi IID «EHRO-2017» kórmesin ótkizý kezinde elimizdegi avıa jáne temirjol nysandaryndaǵy qaýipsizdik pen quqyqtyq tártipti qamtamasyz etken vedomstvonyń jumys nátıjelerin jarııalady, dep habarlady kóliktegi IID baspasóz qyzmeti.
Ákimshilik polısııa basqarmasy taratqan habarlamaǵa qaraǵanda, Kóliktegi IID jeke quramy 10 shildeden 10 qyrkúıek aralyǵynda qylmystyń izin kesý jáne aldyn alý úshin kúsheıtilgen rejımde jumys istedi.
Qoǵamdyq tártipti kúzetý úshin bir táýlikte 270 qyzmetker tartylǵan. Kórmeniń alǵashqy kúninen bastap kólik polıseıleri Astana-1 jáne «Nurly jol» temirjol vokzaldarynda, sondaı-aq «Nursultan Nazarbaev» halyqaralyq áýejaıynda jolaýshylar men sheteldik qonaqtardyń qaýipsizdigin qamtamasyz etý úshin birqatar sharalar keshenin qabyldap, júrgizdi.
Osy kezeńde Astanaǵa temirjol kóligimen 12 mln 177 myń 797 adam, al áýe kóligimen - 744 myń 448 adam kelgen. Is-shara ótkizý kezeńinde joǵaryda kórsetilgen nysandarda 12781 quqyq buzýshy, sonyń ishinde usaq buzaqylyq úshin 350 adam, qoǵamdyq oryndy lastaǵany úshin 104 adam, alkogoldik ishimdik ishkeni úshin 1276 adam, tyıym salynǵan jerde temeki shekkeni úshin 810 adam, tyıym salynǵan jerde saýdamen aınalysqan 1242 adam jáne t.b. ákimshilik jaýapqa tartyldy.