Qurmetti qazaqstandyqtar!
Biz, Demokratııalyq kúshterdiń «Qazaqstan-2050» jalpyulttyq koalısııasynyń músheleri, elimizdiń jetekshi saıası partııalarynyń, Qazaqstan halqy Assambleıasynyń, iri qoǵamdyq birlestikterdiń, úkimettik emes uıymdardyń, barlyq áleýmettik toptar men aımaqtardyń múddesin bildiretin ókilderi: táýelsiz Qazaqstannyń myqty, jetistikti jáne álemniń barlyq elderine syıly memleket bolyp qalyptasýyndaǵy elimizdiń Tuńǵysh Prezıdentiniń úzdik kóshbasshylyǵy men tarıhı rólin joǵary baǵalaı otyryp;
elimizdiń saıası, ekonomıkalyq jáne áleýmettik salasynyń odan ári jańǵyrýyndaǵy Elbasynyń Memlekettik ustanymyn tolyq qoldaı otyryp; úshinshi jańǵyrýdyń ulttyq jobalary men tarıhı oqıǵalary – EKSPO-2017 halyqaralyq kórmesi, Shanhaı Yntymaqtastyq uıymy sammıti, Islam yntymaqtastyǵy uıymynyń (IYU) ǵylym jáne tehnologııalar jónindegi birinshi sammıtiniń teńdessiz tabystary men joǵary jasampazdyq rýhyn quptaı otyryp;
memleket pen onyń ekonomıkasyn tolyq kólemde jańǵyrtý jáne «Qazaqstan-2050» strategııasynyń maqsattaryna jetý úshin qoǵamdyq sanany ozyq úlgide jańǵyrtý qajettiligi týraly Elbasynyń ustanymyn tutas qoldaı otyryp;
Qazaqstandyq ultty rýhanı jańǵyrtý negizinde qazaq tilin latyn qarpine kóshirý jónindegi Qazaqstan Prezıdenti bastamasynyń aıryqsha mańyzdylyǵyn esepke ala otyryp;
Qazaqstan azamattarynyń jáne keleshek urpaqtyń aldyndaǵy tarıhı jaýapkershilikti sezine otyryp;
Qazaqstannyń barlyq azamattaryn Elbasynyń qazaq tilin latyn qarpine kóshirý jónindegi bastamasyn talqylaýǵa belsendi qatysýǵa jáne qoldaýǵa shaqyramyz.
Elbasy usynyp otyrǵan memlekettik til jazýynyń jańǵyrtylýynda tereń tarıhı qısyn bar. Qazirgi ýaqytta memleketter men ulttarǵa asa qatal talap qoıylyp otyr. О́z dástúri men qundylyqtaryn, mádenıeti men tilin joǵaltpaı turaqty jańarýǵa, jańǵyrýǵa, básekelik artyqshylyqtaryn kúsheıtýge baǵyttalǵandardyń ǵana derbes bolashaǵy bar.
Latyn álipbıi álemde eń keń taralǵan. Latyn grafıkasy qazirgi zamanǵy tehnologııalyq ortanyń, baǵdarlamalaýdyń jáne ınfokommýnıkasııalyq tehnologııalardyń barlyq tilderiniń sımvoldyq negizi bolyp tabylady.
Qazirgi zamandaǵy álemde ınnovasııalardyń, ǵylymı jańalyqtar men bilim berý ádebıetiniń basym kópshiligi aǵylshyn tilinde jarııalanady. Aǵylshyn álipbıiniń negizinde latyn qarpine kóshý qazaq tiliniń jańa evolıýsııalyq kezeńi bolyp tabylady. Latynǵa kóshý arqyly biz ultymyzdyń álemdik básekege qabilettiligin arttyratyn úsh máseleni sheshemiz. Birinshiden, aǵylshyn álipbıiniń negizindegi jańa qarip júıesi jastarymyzdyń da jasamystarymyzdyń da aǵylshyn tilin meńgerýin jeńildetedi ári jedeldetedi. Ekinshiden, aǵylshyn álipbıi men tilin úırený arqyly ǵylym-bilimniń osy tilde jasalǵan mol qazynasyn erkin ıgerýge jol ashady. Úshinshiden, jer júzine tarydaı shashylǵan bar qazaqtyń basyn qosady. Latyn qarpine kóshe otyryp, qazirgi zamanǵy qazaq tili básekege qabilettirek bolady, óz damýy men tanymaldylyǵynda jańa qarqyn alady.
Memleket basshysy atap ótkendeı, «latyn qarpi bizge búkil álem halyqtarymen, álemdik ǵylym jáne bilim berýmen ashyq qarym-qatynas jasaý úshin kerek».
Memlekettik tildiń jańa álipbıi qazaqstandyqtardyń nyǵaıýy men birliginiń myqty quraly retinde qyzmet etýi tıis. Latyn jazýy – bul Qazaqstannyń damyǵan demokratııalyq memleket bolýy men álemniń eń damyǵan 30 eliniń qataryna qosylý umtylysyndaǵy derbes órkenıettik tańdaýy. Elbasymyz «latyn qarpine kóshý orys tili men kırıllısadan bas tartýdy bildirmeıdi. Biz barlyq Qazaqstan azamattary tilderiniń úshtuǵyrlyǵyn qamtamasyz ete otyryp, biregeı baılyǵymyz – bılıngvızmdi aǵylshyn tilin meńgerýmen nyǵaıtyp, tolyqtyrýymyz qajet» dep erekshe atap ótti. Latyn qarpine kóshý – bizdiń elimiz úshin qaǵıdaly másele jáne Qazaqstannyń árbir azamatynyń qatysýyn talap etedi.
Biz Qazaqstan Táýelsizdik jyldary ótken biregeı tarıhı joly, jalpyulttyq birlik pen qoǵamdyq kelisim, halyqtyń rýhanı kúshi, onyń ýaqyt talaptaryn qabyldap, tek alǵa júrý qabileti bizdiń memleketimizdiń jetistiginiń aıqyndaýshy faktory bolǵan jáne bolashaqta bola beretinine nyq senemiz.
Demokratııalyq kúshterdiń «Qazaqstan-2050» jalpyulttyq koalısııasynyń músheleri qazaqstandyqtardyń bolashaq urpaǵy úshin Elbasynyń bastamasyn qoldaýǵa barsha jáne árbir azamatyn shaqyrady.
«Nur Otan» partııasy, «Aq Jol» Demokratııalyq partııasy, «Aýyl» halyqtyq-demokratııalyq partııasy, Qazaqstan Kommýnıstik halyqtyq partııasy, «Birlik» saıası partııasy, «Atameken» Qazaqstan Respýblıkasynyń ulttyq kásipkerler palatasy, «Ardagerler uıymy» respýblıkalyq qoǵamdyq birlestigi, «Respýblıkalyq áıelder keńesi» qoǵamdyq birlestigi, «Qazaqstan Respýblıkasynyń kásipodaqtar federasııasy» respýblıkalyq kásipodaqtar birlestigi, «Qazaqstan Respýblıkasynyń Ulttyq ǵylymdar akademııasy» respýblıkalyq qoǵamdyq birlestigi, «Qazaqstannyń azamattyq alıansy» zańdy tulǵalar birlestigi, «Qazaqstan Respýblıkasy Qarýly kúshteriniń ardagerleri» qoǵamdyq birlestigi, «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi, «Qazaqstan kásipkerleri forýmy» zańdy tulǵalar birlestigi, «Qazaqstannyń kásipker áıelderi odaǵy» qoǵamdyq birlestigi, «G-Global Halyqaralyq hatshylyǵy» qaýymdastyǵy» zańdy tulǵalar birlestigi, «Jasyl» ekonomıkany qoldaý jáne G-Global-dy damytý koalısııasy» zańdy tulǵalar birlestigi, «Qazaqstan tutynýshylarynyń ulttyq lıgasy» qoǵamdyq birlestigi, «Qazaqstannyń isker áıelder qaýymdastyǵy» respýblıkalyq qoǵamdyq birlestigi, «Qazaqstan ardagerleri» Aýǵanstan soǵysy ardagerleri uıymdarynyń qaýymdastyǵy, «Qazaqstan ýkraındarynyń radasy» qoǵamdyq birlestigi, «Jańarý» sybaılas jemqorlyqqa qarsy jalpyulttyq qozǵalysy» respýblıkalyq qoǵamdyq birlestigi, «Qazaqstannyń daǵdarys ortalyqtary odaǵy» zańdy tulǵalar birlestigi, «Qazaqstan múgedekter konfederasııasy» respýblıkalyq qoǵamdyq birlestigi, Qazaqstan Respýblıkasy Prezıdentiniń «Bolashaq» Halyqaralyq stıpendııasy stıpendıattarynyń qaýymdastyǵy» qoǵamdyq birlestigi, «Qazaqstan-2050» jalpyulttyq qozǵalysy, «Juldyz» balalar qoǵamdyq uıymdarynyń odaǵy» qoǵamdyq birlestigi.
2017 jylǵy 13 qyrkúıek Astana qalasy