ÚEU-ǵa syılyqaqy bolyp oralady
Búgingi kúnde syılyqaqyǵa úmitkerlerden ótinish qabyldaý naýqany aıaqtaldy. Eki aıdyń ishinde 230 ótinish kelip túsken. Olardyń ishinde Astana men Almaty qalalarynyń, Pavlodar, Ońtústik Qazaqstan, Almaty oblystarynyń ÚEU belsendilik tanytqan. Tuńǵysh ret syılyqaqy áleýmettik máselelerdi sheshýge qosqan úlesi úshin úkimettik emes uıymdarǵa beriletin bolady.
Din isteri jáne azamattyq qoǵam mınıstrliginiń azamattyq qoǵam komıtetiniń tóraıymy Álııa Ǵalymova jeńimpazdardyń qalaı anyqtalatyndyǵyn atap aıtty.
«Syılyqaqyny usynýǵa qoıylatyn talaptar meılinshe ashyq usynylǵan. Syılyqaqyny alý úshin tapsyrylǵan árbir ótinish úsh kezeń boıynsha baǵalanady. Baǵalaýǵa – mekemeniń tájirıbesi, qoǵam tarapynan moıyndalýy, ınnovasııasy, qyzmettik tıimdiligi, salanyń, óńirdiń, respýblıkanyń damýyna qosqan áleýmettik úlesi sııaqty talaptar qoıylatyn bolady», – dep atap ótti Álııa Ǵalymova.
Eń kóp ótinimder myna baǵyttar boıynsha usynylǵan: halyqtyń áleýmettik turǵydan osal toptaryn qoldaý – 23%, jastar saıasaty men balalar bastamalaryn qoldaý – 12,1%, azamattar men uıymdardyń quqyqtaryn, zańdy múddelerin qorǵaý; – 7,8%, qoǵamdyq kelisimdi jáne ulttyq birlikti nyǵaıtý – 7,8%.
14 ótinim aýyldyq jáne 26 ótinim aýdandyq uıymdardan kelip tústi. Bul ÚEU-ǵa arnalǵan syılyqaqylardy berýge baǵyttalǵan baıqaýǵa qatysý úshin kelip túsken ótinimderdiń jalpy sanynyń 17 % -yn qurady.
Syılyqaqynyń az mólsheri 2000 AEK-ke teń (4,5 mln teńge). Syılyqaqylar ÚEU-ny ınstıtýsıonaldyq damytýǵa, uıymnyń jarǵylyq maqsattaryna, onyń materıaldyq bazasyn nyǵaıtýǵa, qyzmetkerleriniń biliktiligin arttyrýǵa baǵyttalady.
Syılyqaqylardy tabystaý týraly sheshimdi Konkýrstyq komıssııa men ÚEU-men ózara is qımyl boıynsha Úılestirýshi keńestiń usynymdary negizinde Din isteri jáne azamattyq qoǵam mınıstrligi 2017 jylǵy 1 jeltoqsanǵa deıin qabyldaıdy.
Álısultan QULANBAI, «Egemen Qazaqstan»