Elordanyń «Barys» hokkeı klýby ótken aptada Qurlyqtyq hokkeı lıgasynda eki oıyn ótkizdi. Astanadaǵy «Barys Arena» muz saraıynda alǵashqy matchty
Mınskiniń «Dınamosyna» qarsy oınap jeńiske jetse, ekinshi oıynda Máskeýdiń «Dınamo» hokkeı klýbynan jeńilip qaldy.
Alǵashqy match qyrkúıektiń 21-i kúni ótip, «Barys» 4:1 esebimen jeńiske jetti. Matchtyń birinshi jáne ekinshi kezeńinde komandalar qorǵanysta sátti oınap, bir-biriniń qaqpasyna shaıba soǵa almady. Oıynnyń eń tartysty kezeńi úshinshi bóliktiń sońǵy 11-mınýtynda ótip, shaıbalar da osy ýaqyt aralyǵynda soǵyldy.
«Barystyń» kanadalyq shabýylshysy Mett Frettın oıynnyń 41-shi mınýtynda shaıba soǵyp, komandamyzdy alǵa shyǵarǵan bolsa, Konstantın Pýshkarev 52-shi mınýtta esepti 2:0-ge jetkizdi. Arada nebári 40 sekýnd ótkende Vladımır Markelov «Barys» klýbynyń úshinshi shaıbasyn saldy. Úsh shaıba soqqan soń astananyń klýby azdap bosańsyp ketti. Mundaı sátti qarsylas komanda keshirmeıtini anyq. Shabýyldaryn údete túsken «Dınamo» klýby matchtyń 57-shi mınýtynda esepti 3:1-ge qysqartty. Shaıba avtory – Djastın Fonteın. Degenmen oıyn aıaqtalýǵa 42 sekýnd qalǵanda «Barys» oıynshysy Konstantın Pýshkarev matchtaǵy ekinshi shaıbasyn soǵyp, oıynnyń núktesin qoıdy.
Araǵa eki kún salyp «Barys» hokkeı klýby Máskeýdiń «Dınamo» hokkeı klýbymen synǵa túsip, tartysty ótken match- ta jerlesterimiz 3:5 esebimen qonaqtarǵa ese jiberip qoıdy. Aıta keteıik, qarsylas komanda sapynda «Barystyń» burynǵy oıynshysy jáne ulttyq qurama shabýylshysy Dastın Boıd oınap, bir shaıba soqty.
Oıyndaǵy «Barys» klýbynan Konstantın Pýshkarev (25-mınýt), Naıdjel Doýs (35-shi jáne 47-shi mınýt) shaıba soqsa, al qonaqtar sapynan Nıkıta Komarov (4-mınýt), Martınsh Karsýms (30-mınýt), Dastın Boıd (40-mınýt), Andreı Alekseev (55-mınýt) jáne Danııl Tarasov (59-mınýt) gol saldy. Qurlyqtyq hokkeı lıgasynyń «Shyǵys» aımaǵyndaǵy týrnır kestesinde «Barys» komandasy bir jeńis jáne bir jeńi- listen soń 22 upaımen besinshi orynda kele jatyr.
Álı BITО́RE, «Egemen Qazaqstan»