Elimiz tarıhyndaǵy orny erekshe

EKSPO-2017 halyqaralyq kórmesi postkeńestik keńistikte tuńǵysh ret Qazaqstanda ótti. Bul joba sátti júzege asty. Qazaq­stan­dyqtardy, shetelderden kelgen qonaqtardy zor qýanyshqa, shattyqqa bóledi. Jastardyń kózin ashyp, alǵa umtyldyrdy. 93 kúnge sozylǵan mádenı sharalar Astanany ǵajap bir mereke ortalyǵyna aınaldyrdy. Qazaq jerine dostyq, damý, jetilý men tabys ákeldi. Qazaq eliniń kórkin, tabysty ekonomıkasy men tarıhyn, dástúrlerin búkil dúnıe júzine pash etti.

Kún energııasyn, soǵan baıla­nysty bolashaq tehnologııalardy utymdy paıdalana bilý – bar­lyq memlekettiń armany. Ol – bolashaqtyń taýsylmas qaı­nar bulaǵy. Memleket basshysy N.Nazarbaev bolashaqtyń energııasyn nazarda ustap, elimizdiń ekonomıka­syn damytýǵa jete kóńil bólip kele jatqan kóregen adam.  Onyń ıdeıalary, bıik bastamalary, eńbekteri bizge úne­mi kúsh-qýat berip, dostyqtyń, beı­bit ómir men damýdyń týyn ustaýy­myzǵa jol kórsetip keledi.

Kún energııasy barlyq energııa­dan arzan, tıimdi. Ony álemdegi bar­lyq memleket óz jetistikteriniń qataryna qosqysy keledi. Ony du­rys, tıimdi paıdalana alý adam bala­syna úlken jetistik pen jeńil­dik ákeledi. Al Qazaqstanǵa, EKSPO-2017 kórmesine kelgen sheteldik týrıster elimizdiń beıbit, qonaqjaı el ekenin, Astananyń basqa iri damyǵan memleketterdiń astanalarynan kem emes ekenin kórip, qyzyǵyp ketti.

EKSPO-nyń tarıhy áride jatyr. Biz úshin onyń aty Fransııanyń astanasy Parıj qalasymen, ataqty ánshi Ámire Qashaýbaevpen baılanysty. Ol – 1851 jyly Anglııanyń as­tanasy – London qalasynan bas­taý alǵan ekonomıkalyq jetistik­ter men ǵylymı damýdyń, ınnova­sııa­lyq tehnologııalardyń úzdik kór­mesi. Onyń adamzatqa beretin taǵy­lymy úlken. Ol – dostyqtyń, tatý­lyq­tyń, jetistik pen damýdyń úlken bir kórsetkishi boldy. 

EKSPO-nyń týyn ustaǵan elder baqytty. Sol baqytqa Qazaq eli de jetti. Kórme Qazaqstandy álem­dik arenada taǵy bir bıikke kóterdi. Osy oraıda EKSPO-2017-niń Qazaqstan tarıhynda alatyn orny da zor bolmaq. 

Aıda SYBANBAEVA, Astana turǵy