Búgin Ońtústik Qazaqstan oblysyna jumys sapary aıasynda QR Premer-Mınıstri Baqytjan Saǵyntaev «Atameken» Kásipkerler palatasynyń О́ńirlik keńesiniń múshelerimen kezdesý ótkizdi, onda óńirde shaǵyn jáne orta bıznesti damytý máseleleri qaraldy. Bul týraly primeminister.kz habarlady.
Keńes barysynda qatysýshylar memlekettik satyp alýlardaǵy jergilikti qamtý úlesin arttyrý, Shymkent qalasynda halyqaralyq áýejaıdyń jańa jolaýshylar termınalyn jańǵyrtý jáne salý, sýmen qamtý júıesin qalpyna keltirý, ósimdik sharýashylyǵyn sýbsıdııalaý, otandyq taýarlardy eksporttaý kezinde kezdesetin kedergilerdi alyp tastaý, AО́K-ni jeńildikti nesıelendirý, oblystyń ekonomıka salalaryn sıfrlandyrýǵa qatysýy, jańa eksport saıasatyn ázirleý máselelerin talqylady.
Bul taqyrypta «Atameken» UKP basqarma tóraǵasy Abylaı Myrzahmetov, «Karlskrona LC AB» JShS bas dırektory Ýálıhan Ahmetov, «SCAT» AQ prezıdenti Vladımır Denısov, «Qaınar maı» JShS prezıdenti Halı Sarmanov, «Vızıt» ASSZ JShS bas dırektory Velkım Zlavdınov, Kásipkerler palatasy О́ńirlik keńesiniń tóraǵasy Qaınar Abasov, «Steklo ı K» AT-tobynyń jetekshisi Iýldashev Hondamır sóz sóıledi.
Aıtylǵan máselelerge qatysty ulttyq ekonomıka mınıstri T. Súleımenov, ınvestısııalar jáne damý vıse-mınıstri R. Sklıar, aýyl sharýashylyǵynyń birinshi vıse-mınıstri Q. Aıtýǵanov, oblys ákimi J.Túımebaev túsinikteme berdi.
Kezdesýdi qorytyndylaı kele, Baqytjan Saǵyntaev Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýyna sáıkes kásipkerlikti damytý elimizde ekonomıkalyq ósimniń jańa úlgisin qalyptastyrý kezindegi basty baǵyttardyń biri bolyp tabylatynyn atap ótti.
Osyǵan baılanysty QR Úkimeti «Atameken» UKP-men tyǵyz yntymaqtastyqta otandyq bıznesti qoldaý sharalaryn keńeıtý boıynsha keshendi jumys júrgizýde.
Oǵan qosa, bıznes qaýymdastyqtyń aldynda ekonomıka salalaryn sıfrlandyrýǵa qatysý jáne óz ónimdiligi men shyǵaratyn ónim sapasyn arttyrý boıynsha úlken perspektıvalar ashylady.
Oblystaǵy shaǵyn jáne orta kásipkerliktiń jumys istep turǵan sýbektileriniń sany aǵymdaǵy jyly 176,6 myń birlikti qurady nemese 2016 jyldyń osy kezeńinen 5% artyq. Búginde óńirde kásipkerlikti qoldaý boıynsha «Bıznestiń jol kartasy-2020», sondaı-aq ónimdi jumyspen qamtý jáne jappaı kásipkerlikti damytý memlekettik baǵdarlamalaryn iske asyrý basty ról atqarady.