«Astana Media Week» aptalyǵy aıasynda birqatar mańyzdy jıyndar men semınarlar ótti. Astana Digital Forum dep atalatyn sharadan bastalǵan kún buqaralyq aqparat quraldary jýrnalısteriniń biliktiligin arttyrýǵa arnalǵan semınarlarmen jalǵasty.
Forýmǵa qatysqan Aqparat jáne kommýnıkasııalar mınıstri Dáýren Abaev sıfrly tehnologııalarǵa qatysty kún tártibinde turǵan birqatar máselelerge toqtaldy. Onyń paıymdaýynsha, qazirgi tańda sıfrly tehnologııanyń jaǵdaıyn baǵamdaý óte qıyn. Qazaqstan tarapynyń osy jahandyq úderiske ilesýi jáne ondaǵy keleli máselelerdi talqylaýy elimizdiń baǵyty durys ekendigin kórsetetinin aıtady mınıstr.
Vedomstvo basshysy qalalar men aýyldar arasyndaǵy sıfrly aıyrmashylyqty joıý kerektigine toqtaldy. Mınıstrdiń sózine saı, shalǵaı aýyl turǵyndarynyń sıfrly tehnologııaǵa erkin qol jetýi básekege qabiletti bolýǵa múmkindik beredi.
«Internet aıasy keńeıip, áleýmettik jeliler damyp, sıfrly tehnologııalar dáýiri keldi. Oǵan aýysýdyń jedel júrgeni sonshalyqty, básekege qabiletti bolýdyń mańyzy da arta túsken. Sıfrly Qazaqstannyń birinshi baǵyty – onyń irgetasy sanalatyn «Sıfrly jibek jolyn» qurý. Iаǵnı eldi mekenderge qajetti ınfraqurylym salyp, sapaly optıkalyq-talshyqty kabelder ornatýymyz kerek. Qazirgi tańda aýyldar men qalalar arasynda sıfrly aıyrmashylyq bar. Básekege qabiletti bolý úshin bizge jyldam ınternet, sapaly tele jáne radıo habarlary kerek. 2021 jylǵa deıin taǵy eki mıllıonnan astam turǵynnyń ınternetke qosylýyna jaǵdaı jasaımyz», dedi D.Abaev.
Forým barysynda ınternettegi memlekettik tilge qatysty máseleler de sóz boldy. Qazaqsha Ýıkıpedııanyń negizin salýshy Nurtaı Áshim bıyl ana tilimizdegi kontentke suranys kóbeıgenin keltirdi. Atalǵan joba alǵash bastalǵan ýaqytta qazaqsha segmenttiń qamtıtyn kólemi qoldanýshylardyń 0,2 paıyzyn ǵana quraıtyn. N.Áshimniń sózine súıensek, búginde qazaqsha Ýıkıpedııany oqıtyndar sany jalpy qoldanýshylardyń 35 paıyzyn qurap otyr. Sondyqtan qazaq tilindegi kontentti kóbeıtý ýaqyt kúttirmeıtin másele dep esepteıdi ol.
«Eger oqýshy Google-den nemese basqa izdeý júıesinen aqparat izdese, eń áýeli Ýıkıpedııadaǵy aqparat shyǵady. Eger ol qazaq tilinde keregin tapsa, sol betti oqıdy. Eger oǵan múmkindik bolmasa, basqa tilge aýysyp ketedi», dedi ol.
Medıa aptalyq aıasynda qazaq tildi buqaralyq aqparat quraldaryna arnalǵan biliktilik semınarlary ótti. Eki bólikten quralǵan sharada aqparat tekserý, jańa medıanyń tıimdi quraldary jáne konvergenttik jýrnalıstıka sekildi máseleler tóńireginde sóz boldy.
Semınardy «Ulan» gazetiniń redaktory, Factcheck.kz saıty qazaq bóliminiń redaktory Juldyz Ábdilda, «Minber» jýrnalısterdi qoldaý ortalyǵy janyndaǵy jańa medıany zertteý tobynyń jetekshisi Ashat Erkimbaı, Bas redaktorlar klýbynyń vıse-prezıdenti jáne Senat tóraǵasynyń keńesshisi Bıbigúl Jeksenbaı, jýrnalıst ári bloger О́rken Kenjebek júrgizdi.
Semınarlar barysynda jýrnalısterdiń jalǵan aqparatpen qalaı kúresýi kerek ekeni de aıtyldy. Youtube, Google sekildi saıttardy paıdalanyp feık jańalyqpen kúresýdiń joldary tanystyryldy.
Abaı ASANKELDIULY, «Egemen Qazaqstan»