Almaty qalasynyń Áýezov aýdanyndaǵy komıýnıtı-ortalyqta Qazaqstan Respýblıkasynyń jańa Konstıtýsııa jobasyn talqylaýǵa arnalǵan qala jastarynyń qatysýymen ıntellektýaldy Meet-up ótti. Kezdesý Májilis depýtattaryn, Konstıtýsııalyq reforma jónindegi komıssııa múshelerin, sarapshylardy jáne jas belsendilerdi biriktirip, jasandy ıntellekt quraldaryn paıdalaný arqyly ınteraktıvti formatta uıymdastyryldy, dep jazady Egemen.kz.
Is-shara ashyq dıalog alańyna aınalyp, onda jastar tek suraq qoıyp, óz pikirlerin bildirip qana qoımaı, olardy jasandy ıntellektiniń analıtıkalyq qorytyndylarymen salystyrdy. Baǵdarlamanyń erekshe bóligi retinde almatylyq jastar arasynda Konstıtýsııalyq batl ótkizildi.
Talqylaýǵa Konstıtýsııalyq reforma jónindegi komıssııa músheleri, QR Parlamenti Májilisiniń depýtattary Aıdos Sarym, Janarbek Áshimjan, Únzıla Shapaq, jastar uıymdarynyń ókilderi, sarapshylar qaýymdastyǵy, komıýnıtı-ortalyqtardyń, qoǵamdyq birlestikter men medıanyń basshylary qatysty. Qalanyń belsendi jastary jańa Konstıtýsııa jobasyn qoldap, engizilip otyrǵan jańashyldyqtardyń el bolashaǵy úshin mańyzdylyǵyn atap ótti.
Jańa Konstıtýsııa jobasynda adam men azamattyq quqyqtyń ara-jigin ajyratý usynyldy
Kezdesýdiń negizgi maqsaty – jańa Konstıtýsııa jobasyn jan-jaqty talqylaý, jastardyń azamattyq belsendiligin arttyrý, quqyqtyq mádenıetti damytý jáne zamanaýı tehnologııalardy qoldaný arqyly synı oılaý daǵdylaryn qalyptastyrý.
Jas ǵalym Ákejan Keńesov kezdesýdiń jańa formatynyń mańyzdylyǵyn atap ótti:
«Jasandy ıntellekt quraldaryn paıdalana otyryp júrgizilgen túsindirý jumystary jastarǵa Konstıtýsııalyq reformalardyń mánin tereń ári qoljetimdi túsinýge múmkindik berdi. Mundaı alańdar quqyqtyq saýattylyqty arttyryp, ózekti qoǵamdyq máselelerdi ashyq talqylaýǵa jaǵdaı jasaıdy».
«Ardagerler uıymy» jańa Konstıtýsııa jobasyn qoldady
О́z kezeginde «Qamqor» qoǵamdyq qorynyń jetekshisi Baǵdat Anarbaeva Konstıtýsııa jobasynyń qundylyqtyq negizine toqtaldy:
«Jańa jobada «Ádiletti Qazaqstan» baǵdary men «Zań jáne tártip» qaǵıdaty aıqyn kórinis tapqan. Azamattardyń quqyqtary men bostandyqtarynyń basymdyǵy bekitilip, bul zańdylyqty nyǵaıtýǵa jáne qoǵamnyń memlekettik ınstıtýttarǵa degen senimin arttyrýǵa baǵyttalǵan», dedi ol.
Almaty qalasynyń volonterler front-ofısiniń jetekshisi Qymbat Nurdáýlet volonterlik qyzmetke qatysty ózgeristerge nazar aýdardy:
«Kez kelgen ózgeris durys túsindirilip, tıimdi júzege asyrylǵan jaǵdaıda ǵana oń nátıje beredi. Jańa Konstıtýsııada volonterlik pen qaıyrymdylyq qorlary salasyna qatysty ózgerister usynylyp otyr, bul volonterlik qyzmetti yntalandyrýǵa baǵyttalǵan. Búgin munda Almatydaǵy jastar uıymdarynyń kóshbasshylary men basshylary jınaldy, al almatylyq jastardyń pikiri salmaqty jáne mindetti túrde nátıjesin beredi dep oılaımyn».
Halyqaralyq zańgerler qaýymdastyǵy: Jańa Konstıtýsııa jobasy halyqaralyq standarttarǵa saı
Jas kásipker Aqarys Tórebekov is-shara formaty jastardyń zamanaýı suranysyna saı ekenin atap ótti:
«Búginde jasandy ıntellekt jastardyń ómirinde, oqýda, turmysta, kúndelikti sheshimder qabyldaýda erekshe oryn alady. Bizde qatysýshynyń suraǵy, qatysýshynyń pikiri jáne jasandy ıntellekttiń pikiri bar. Jastar ne deıdi, JI ne aıtady jáne is-shara qonaqtary qandaı qorytyndy sheshimge keledi. Sony kórý qyzyq. Jastar kózqarasy arqyly qalyptasqan ortaq pikir qundy».
Májilis depýtaty Aıdos Sarym Konstıtýsııalyq batlǵa qatysyp, kezdesýdiń formatyn joǵary baǵalady:
«Bul – óte jaqsy, jastarǵa laıyqty jáne zamanaýı format. О́zim úshin de qyzyqty boldy. Búginge deıin jańa Konstıtýsııa jobasy boıynsha azamattardan tórt myńnan astam usynys tústi. Olar Konstıtýsııalyq sottyń salystyrmaly kestelerinde ornalastyrylyp jatyr, ıaǵnı adamdar bul ózgeristerdiń teń avtorlaryna aınalyp jatyr», dedi A. Sarym.