2018 jylǵy álem chempıonatyna irikteý kezeńi aıasynda Qazaqstan – Armenııa kezdesýinen keıin Armenııa quramasynyń bas jattyqtyrýshysy Artýr Petrosıan jýrnalıster suraǵyna jaýap berdi.
– Búgin matchta eki komanda tarapynan kóptegen qatelik ketti. Ekinshi kezeńde meniń komandam sharshańqyrap qaldy. Sol sebepti de oıynshylardy aýystyrýǵa týra keldi. Onyń ústine jankúıerlerińizdiń qoldaýy fýtbolshylaryńyzǵa qosymsha kúsh-qýat berip, bizge kóbirek problema týǵyzdy. Eger de sońǵy sekýndta gol soqqanymyzda, biz jeńiske jeter edik. Áıtkenmen, qazaqstandyqtar jeńiliske laıyq emes edi. Teń oıynǵa qos komanda da qanaǵat tutýy kerek.
– «E» tobynda Armenııa men Qazaqstan tıisinshe besinshi-altynshy oryndardy bólisti. Qos qurama osyndaı orynǵa laıyq pa?
– Statıstıka durys aıtady. Ázirge biz osy orynǵa laıyqpyz.
– Bul matchta Armenııa quramasy bar kúsh-jigerlerin kórsete aldy ma?
– Eger de aldaǵy ýaqytta osylaı óner kórsete beretin bolsaq, onda kelesi irikteý týrnırine qatyspaı-aq qoısaq ta bolady. Sebebi, 80 paıyz oıynshymyz quramada burynnan beri óner kórsetip keledi. Bizge jańa tolqyn kerek. Áıtpese barlyǵy beker.
– Erevanda óner kórsetken Qazaqstan men búgingi quramanyń deńgeıin salystyrýǵa kele me?
– Maǵan búgingi komandalaryńyz unady.
Esterińizge sala keteıik, Qazaqstan quramasy fýtboldan 2018 jylǵy álem chempıonatyna irikteý kezeńi aıasynda Armenııany quramasyn qabyldap, 1:1 esebimen teń tústi.
Almas MANAP, "Egemen Qazaqstan"