Osy jyldyń 9 aıynda Memlekettik áleýmettik saqtandyrý qory 115,7 mlrd teńge kóleminde tólem jasady.
140,8 myń azamat júktilik pen bosanýǵa, bala asyrap alýǵa baılanysty áleýmettik járdemaqy aldy. Mundaǵy tólemniń jalpy somasy 48 mlrd teńgeni qurap, ortasha eseptegende bul qarjy ár adamǵa 333 myń teńgeden keldi.
Balanyń bir jasqa deıingi kútimine 53 mlrd teńge qarastyrylyp, atalǵan baǵytta 350 myńnan astam adam áleýmettik qoldaýdy ıelenip, tólemniń ortasha deńgeıi 24 myń teńgeden asty.
Eńbekke qabiletin joǵaltqan jandarǵa jumsalǵan 7,4 mlrd teńge jan basyna 12 myń teńgeden esepteldi.
Asyraýshysynan aıyrylǵan taraptarǵa Memlekettik áleýmettik saqtandyrý qorynan taǵaıyndalǵan qarjy somasy, ortasha alǵanda, 15 myń teńgeden belgilenip, atalmysh áleýmettik kómek túrin jalpy 5,8 mlrd teńgege 38 myńnan astam qazaqstandyq enshiledi. Jumyssyz qalǵan kezdegi áleýmettik qoldaýmen ortasha deńgeıi 18 myń teńgeden 1,5 mlrd teńge kóleminde 26 myń adam qamtamasyz etildi.
Eske sala ketsek, elimizde mindetti áleýmettik saqtandyrý ádisi, táýekel ahýaly týyndaǵandaǵy halyqtyń jumysshy tabyn áleýmettik qorǵaýdyń qosymsha tetigi retinde engizildi.