Bul týraly Ortalyq kommýnıkasııalar qyzmetinde ótken baspasóz konferensııasynda QR Qarjy mınıstrligi Memlekettik kirister komıteti tóraǵasynyń orynbasary Ǵosman Ámrın habarlady.
Spıkerdiń aıtýynsha, 2017 jyldyń 1 qazanynan bastap kedendik tranzıt sheńberinde Kedendik jáne salyqtyq ákimshilendirýdiń avtomattandyrylǵan júıesi «ASTANA-1» aqparattyq júeısi iske qosyldy.
«Bul júıe aldyn ala aqparatty bergen sátten bastap taýarlardy shyǵarǵannan keıingi baqylaýǵa deıin barlyq kedendik prosesterge avtomattandyrylǵan baqylaýdy júzege asyrýǵa múmkindik beredi. Sonymen qatar qujat aınalymyn tezdetýge qolaıly jaǵdaı týǵyzady. Bul júıe 2 jyldyń ishinde daıyndaldy. Aqparattyq júıe arqyly biz jumys jyldamdyǵyn arttyramyz jáne aıqyndaý deńgeıin ósire alamyz», - dedi Ǵosman Ámrın.
Aıta ketetin taǵy bir jaıt, «ASTANA-1» AJ-nyń tolyq kólemde iske asyrylýy 2018 jyldyń 1 qańtarynan bastap EýrAzEQ jáne Qazaqstan Respýblıkasy Kodeksiniń kúshine enýimen qatar oryndalady.