О́skemende sporttyq baǵdarlaý boıynsha uldar jáne qyzdar, sondaı-aq, eresekter arasynda ashyq qala birinshiligi ótýde. Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
Jyl saıyn ótetin saıysqa sportshylar ártúrli jas ereksheligi boıynsha qatysýda. Eń jas qatysýshy 6 jasta bolsa, eń úlkeniniń jasy 60-qa taıap qalǵan. Sporttyq baǵdarlaý sportyn keńinen nasıhattaý jáne qatysýshylardyń jadyna patrıottyq sezim uıalatý maqsatymen ótip jatqan is-sharaǵa 110-ǵa jýyq sportshy qatysýda. Ashyq qala birinshiligi bolǵandyqtan Glýbokoe, Shemonaıha, Aıagóz syndy aýdandardan da sportshylar keldi. Jas erekshelikterine qaraı sportshylar ártúrli qashyqtyqta baq synaýda. О́z qashyqtyqtarynda úzdik úshtikke ilingen sportshylar oblys quramasyna alynyp, alda ótetin respýblıkalyq jarystarǵa qatysatyn bolady.
Azamat QASYM,
«Egemen Qazaqstan»
О́SKEMEN