AQSh Qazaqstanǵa Reseı munaıyn Qytaıǵa tranzıtpen tasymaldaýǵa múmkindik beretin lısenzııany 2027 jylǵy 19 naýryzǵa deıin uzartty, dep habarlaıdy Egemen.kz.
Bloomberg málimetinshe, osynyń nátıjesinde kún saıyn shamamen 200 myń barrel munaı jetkizýge jol ashylady. Jahandyq naryqtaǵy turaqsyzdyq jaǵdaıynda baǵyttyń turaqtylyǵyn saqtaý múmkin bolady.
Mundaı qadam Parsy shyǵanaǵy elderinen jetkizilimge qatysty shekteýlerge, Ormuz buǵazy mańyndaǵy qaýipterge jáne Taıaý Shyǵystaǵy shıelenistiń jalǵasýyna baılanysty qabyldanyp otyr.
Munaı baǵasy barreline 115 dollarǵa jetti: Rekordtyq ósim tirkeldi
Sarapshylardyń pikirinshe, bul sheshim Reseıdiń eksporttyq aǵyndaryn qoldaıdy, Qazaqstannyń tranzıttik rólin kúsheıtedi jáne balama jetkizý baǵyttaryna túsetin qysymdy azaıtady.
Sonymen qatar Qazaqstan men Reseı taraptary tranzıt kólemin jylyna 12,5 mln tonnaǵa deıin arttyrý múmkindigin talqylap jatyr.