Saryaǵash aýdanynyń turǵyny oıyn bıznesi salasynda zańsyz qyzmet uıymdastyrǵany úshin sottaldy. Ol birneshe úı-jaıdy jalǵa alyp, onda oıyn avtomattaryn ornalastyryp, ınternet arqyly tyıym salynǵan qumar oıyndarǵa qoljetimdilik bergen. Zańsyz áreketten túsken jalpy tabys 20,9 mln teńgeden asqan, dep habarlaıdy Egemen.kz.
Sot ony 4 jylǵa bas bostandyǵynan aıyrý jazasyna kesti. Alaıda bastapqy sot sheshiminde zańsyz alynǵan tabysqa qatysty másele tolyq qaralmaǵan.
Zańsyz oıyn bıznesin uıymdastyrǵan eks-sheneýnik Túrkııadan ekstradısııalandy
Osyǵan baılanysty Joǵarǵy Sottyń túsindirmelerine sáıkes is qaıta qaraldy. Erejege saı, ekonomıkalyq qyzmet salasyndaǵy qylmystyq quqyq buzýshylyq nátıjesinde alynǵan tabys kináli adamnan tolyq kólemde alynyp, memleket paıdasyna óndirilýi tıis. Bul talap eshqandaı shyǵyndardy shegermeı, alynǵan barlyq qarajatqa qoldanylady.
Shyǵysqa kazıno qajet pe?
Bas prokýratýranyń kassasııalyq narazylyǵy negizinde sot aktileri ózgertildi. Nátıjesinde sottalǵan adamnan oıyn bıznesin uıymdastyrý arqyly tapqan 20 909 365 teńge memleket kirisine óndirildi.