Almaty qalasynda ótken kıokýshınkaı-kan karate boıynsha Qazaqstan chempıonatynda kókshetaýlyq sportshylar segiz altyn, bir kúmis jáne úsh qola medalǵa qol jetkizdi. Osylaısha kókshetaýlyqtar jalpy sany 12 medal ıemdendi.
Árıne, Almatyda ótken Qazaqstan chempıonatynda kıokýshınkaı-kan karate boıynsha saıys tartysty ótti. Atalǵan saıys baǵdarlamasyna eki ereje – Kata jáne Kýmıte engizilgen. Elimizdiń barlyq óńirinen jınalǵan sportshylardyń sany 300-ge jetti. Tatamıda baq synasqan sportshylardyń qaı-qaısy da osal emestigin dáleldep baqty. Aqmola oblysynan 22 sportshy qatysqandyǵyn aıta keteıik. Kata boıynsha taıtalasqan jekpe-jekte erler arasyndaǵy 14-15 jastaǵy «jetkinshekter» sanatynda Igor Vasın eshkimge des bermeı, birinshi orynnan tabylsa, sol sııaqty 16-17 jastaǵylar arasynda Ashat Galeev pen Birjan Qaırat ta bıik tuǵyrdan tabyldy. Al qyzdar arasynda kúmis medalǵa Álemgúl Sabyrhan ıe boldy. Jeńimpazdar qatarynda Madııarbek Uzaqbaı (12-13 jastaǵy jetkinshekter) men Ádil Qarabaev ta (14-15 jastaǵy jetkinshekter) bar. Reti kelgende kýmıte saıysy boıynsha Ashat Galeev (60 kg-ǵa deıingi 16-17 jastaǵy), Narqyz Uzaqbaeva (qyzdar arasynda 55 kg-ǵa deıin), Álemgúl Sabyrhan (qyzdar arasynda 65 kg-nan asa), Dınara Nurǵalıeva (qyzdar arasynda 65 kg-nan asa) jáne Erbolat Qanapın (erler arasynda 80 kg-nan asa) qarsylastaryn qaýsata jeńip, jeńis tuǵyrynan kórindi. Al qola júlde Aleksandr Beloýsovqa (14-15 jastaǵy 60 kg-nan asa) buıyrdy.
Asqar TURAPBAIULY, «Egemen Qazaqstan»
Aqmola oblysy