Myna sýrette qazaqtyń batyr ulynyń biri, qaharman partızan, maıdanger jazýshy Qasym Qaısenov beınelengen.
– 1963 jyl edi, – dep eske alady Amangeldi aǵamyz. – Men onda Almaty qalasyndaǵy ataqty №12 mektepte on birinshi synypta oqıtynmyn. Umytpasam, dańqty partızannyń kezekti kitaby jaryq kórdi. Soǵan baılanysty mektebimizde ol kisimen keremet kezdesý bolyp, Qasym aǵa Ýkraına jerindegi joryq joldary jaıly, qazaq jaýyngerleriniń erligi týraly áserli áńgime aıtty. Munan keıin keńestik kezdegi dástúr boıynsha pıoner qataryna qabyldandy. Bul sýret sol sátte túsirilgen. Sol jaqta otyrǵan kisini umytyppyn, áıteýir, ne «Juldyz» jýrnalynan, ne «Qazaq ádebıeti» gazetinen, Qasym aǵamen birge kelgen. Al oń jaqtaǵy bizdiń synyp jetekshimiz Sáýle Qabdolova. Mekteptiń belsendisi retinde quttyqtap, túregep turǵan men. Búginde bul sýret úıimde óte qymbat qazynamdaı saqtaýly.
75 jastaǵy Amangeldi aǵa Tolynbekov kezinde Qyrǵyzstandaǵy Osh pedagogıkalyq ınstıtýtynyń fılologııa fakýltetin bitirgen. Qazir Jambyl aýyldyq okrýgi ardagerler keńesiniń tóraǵasy. Qashan kórseń de ana jumys, myna jumys dep tynym tappaı júgirip júrgeni. Qımyly shıraq, júrisi tez. О́ıtkeni sonaý KSRO-nyń kezinde-aq, erkin kúresten sport sheberi atanǵan...
Berikbaı QADYQOV, jýrnalıst
Almaty oblysy, Qarasaı aýdany