Memleket basshysynyń tapsyrmasymen QR Premer-Mınıstri Baqytjan Saǵyntaev jumys saparymen Jambyl oblysyna bardy, onda óńirde memlekettik baǵdarlamalardyń jáne «Qazaqstannyń úshinshi jańǵyrýy: jahandyq básekege qabilettilik» Joldaýy mindetteriniń iske asyrylý barysymen tanysady, sondaı-aq, AО́K damytý máseleleri jóninde jeke keńes ótkizip, óńirlik kásipkerlermen kezdesedi, dep jazady primeminister.kz.
Baqytjan Saǵyntaev Tarazǵa kelgen boıda óńirdiń birqatar áleýmettik nysandaryn aralady.
Premer-Mınıstr «Araı» shaǵyn aýdanynyń kópqabatty turǵyn úıleriniń qurylysy mysalynda óńirde «Nurly jer» turǵyn úı qurylysy baǵdarlamasynyń iske asyrylý barysymen tanysty. Jambyl oblysy ákiminiń orynbasary Ǵalymjan Ábdiraıymov qurylystyń qazirgi jaǵdaıy men keleshegi týraly baıandady.
Bıyl oblysta «Nurly jer» baǵdarlamasy boıynsha 17,7 myń m2-qa 258-den astam páterdi paıdalanýǵa berý boıynsha tórt joba iske asyrylyp jatyr, sonymen qatar JTQ boıynsha 922 jer telimi bólingen. 2018 jyly 13 kópqabatty úı qurylysyn aıaqtaý nemese 1 070 páterdi paıdalanýǵa berý kózdelgen.
Jalpy osy jyldyń 10 aıynda Qazaqstanda qurylys qarqynynyń kórsetkishteri 2016 jyldyń osy kezeńimen salystyrǵanda 1,8%-ǵa jaqsarǵan. Barlyǵy 8,8 mln m2 turǵyn úı paıdalanýǵa berilgen.
Sondaı-aq, Premer-Mınıstrge oblysta sportty damytý keleshegi týraly baıandaldy. Baqytjan Saǵyntaev 2 myńnan astam sportshy kún saıyn sporttyń túrli kúsh qoldanylatyn túrleri: grek–rım kúresimen, kıkboksıngpen, taekvondomen, armrestlıngpen jáne t. b. aınalysatyn «Atletık» olımpıada rezervin daıyndaıtyn oqytý-jattyǵý keshenine bardy.
Jambyl oblysynda barlyǵy 46 sport mekemesi bar, 22 myńǵa jýyq sportshy júıeli túrde túrli sport túrlerimen aınalysady, olardyń 14 myńy — aýyldyq sport mektepterinde jattyǵady. Búgingi tańda óńir sportshylary resmı halyqaralyq jáne respýblıkalyq jarystarda 1 387 medal ıelengen, olardyń 577-si — altyn.
Premer-Mınıstrge oblystyq perınataldyq ortalyqty aralaý barysynda óńirde densaýlyq saqtaý júıesin damytý boıynsha qabyldanyp jatqan sharalar týraly baıandaldy. 2015 jyly halyqaralyq talaptardy eskere otyryp salynǵan jańa klınıka 200 emdelýshige bir ýaqytta qyzmet kórsetetin qajetti zamanaýı jabdyqpen jaraqtandyrylǵan. 2017 jyly oblystyń densaýlyq saqtaý júıesin qarjylandyrýǵa barlyǵy 24,2 mlrd teńge qarastyrylǵan. Osy jyldyń 1 qarashasyndaǵy jaǵdaı boıynsha 19,6 mlrd teńgesi nemese eseptik kezeń josparynyń 99,7%-y ıgerilgen.
Aıta keteıik, QR Premer-Mınıstri buǵan deıin jumys saparlary aıasynda Batys Qazaqstan, Aqtóbe, Shyǵys Qazaqstan, Qyzylorda, Almaty, Pavlodar, Soltústik Qazaqstan, Qostanaı, Qaraǵandy, Aqmola, Atyraý, Ońtústik Qazaqstan, Mańǵystaý oblystarynda jáne Astana, Almaty qalalarynda bolyp qaıtty.