Búgin Astanada 2000 jyly týylǵan jasóspirimder arasynda fýtboldan el birinshiligi aıaqtaldy. Chempıondyqty fınaldyq kezeńge shyqqan "Ertis", "Qaırat", "Ordabasy" jəne "Astana" jasóspirimder komandalary sarapqa saldy.
Birinshiliktiń qorytyndysy boıynsha ońtústiktiń jas órenderin 2-0 esebimen jeńgen "Astana" jasóspirimder komandasy chempıon atandy. Pavlodardyń "Ertisi" úshinshi orynǵa bolǵan oıynda "Qaıratqa" ese jiberdi.
Vıacheslav Prokopenko "Astana" jasóspirimder komandasynyń jattyqtyrýshysy: - О́te tartysty oıyndar boldy. Jalpy, birinshilikte eki ret jeńildik, bir oıyn teń tústik. Qalǵan oıyndardyń barlyǵyn jeńdik. Fınaldyq oıyndarda qaısarlyq kórsetken komandama rahmet aıtqym keledi. Jan-jaqty qoldaý kórsetken klýb basshylyǵyna rızashylyǵym sheksiz. Jasóspirimder arasynda ótetin chempıondary lıgasyna joldama alǵanymyzǵa qýanyshtymyn.
Erkebulan Jomart