Belarýs Respýblıkasyna jasaǵan resmı sapary aıasynda Nursultan Nazarbaev Aleksandr Lýkashenkomen buqaralyq aqparat quraldary ókilderine brıfıng ótkizdi.
Qazaqstan Prezıdenti kelissózder barysynda saýda-ekonomıkalyq qarym-qatynastarǵa basty nazar aýdarylǵanyn atap ótti. «Qazaqstannyń taý-ken óndirisi kombınattary Belarýstiń júk kólikteri men aýyr tehnıkalaryn qoldanady. Bıznes-forýmda da osy tehnıkalardy satyp alý kólemin arttyrý týraly kelisimder jasalatyn bolady», dedi Elbasy. Ol tranzıt-kólik salasynda da seriktestikti damytýdyń mańyzyna toqtalyp, Qazaqstannyń birinshi ındýstrııalyq-ınnovasııalyq damý baǵdarlamasy men «Nurly jol» baǵdarlamasy týraly aıtyp ótti.
«Biz 2015-2017 jyldary Qytaı men Reseı shekarasynda 2500 shaqyrym temir jol saldyq. 4 myń shaqyrym zamanaýı avtokólik joly salyndy. Bul Belarýs tasymaldaýshylaryna da zor múmkindik ashty», dedi Elbasy. Onyń aıtýynsha, sońǵy alty jylda Qazaqstan men Belarýs arasyndaǵy tasymal deńgeıi 100 ese ósken. 2018 jyly bul kórsetkish eki ese ósedi dep josparlanyp otyr.
Nursultan Nazarbaev EKSPO-2017 aıasynda arnaıy IT-park ashylatynyn aıtyp, osy salada ekijaqty seriktestikti arttyrýdyń mańyzyn atap ótti. «Qazaqstan men Belarýs arasynda ártúrli salalar boıynsha 70-ten astam kelisimsharttar jasalǵan. Búgin de birneshe qujatqa qol qoıyldy. Táýelsizdik jyldary barlyq sala boıynsha seriktestigimiz artyp, joǵary deńgeıge jetti», dedi Elbasy.
Aleksandr Lýkashenko ekijaqty qarym-qatynas jáne ıntegrasııalyq birlestik turǵysynan strategııalyq yntymaqtastyqtyń mańyzdylyǵyn atap ótti.
– Biz 25 jyl ishinde jaı dos qana emes, sondaı-aq strategııalyq, ekonomıkalyq serikteske aınaldyq. Qazaqstan biz úshin ekijaqty baılanystar turǵysynan da, ıntegrasııalyq birlestikter men halyqaralyq uıymdar aıasynda da mańyzdy ári ýaqyt synynan ótken odaqtas, – dedi Belarýs Prezıdenti.
Qazaqstan Prezıdenti kelissózder barysynda saýda-ekonomıkalyq saladaǵy ózara is-qımyldy damytýǵa erekshe mán berilgenin atap ótti.
Memleket basshysy BAQ ókilderine bıylǵy 9 aıda elderimiz arasyndaǵy taýar aınalymynyń kólemi 60 paıyzdan astamǵa artyp, 441 mıllıon AQSh dollaryn quraǵanyn aıtty.
Sonymen qatar, Nursultan Nazarbaev eki el úkimetteri eýrazııalyq ıntegrasııa áleýetin eskerip, ózara saýda-sattyq jasaý barysynda paıdalanylmaǵan rezervterdi tartýdy jandandyrý qajet ekenin atap ótti.
– Men bizdiń saýda nomenklatýramyzdy keńeıtý baǵytynda jumys isteýdi usyndym. О́nerkásip kooperasııasyn nyǵaıtýǵa jáne ekijaqty saýda-sattyq kólemin arttyrýdyń naqty derekterine aıryqsha mán berildi, – dedi Qazaqstan Prezıdenti. Memleket basshysy kombaın, traktor, sondaı-aq karerlik, júkti ózi aýdaratyn, tirkemeli jáne basqa da tehnıkalar shyǵarý jónindegi birlesken kásiporyndar qyzmetiniń tıimdiligin arttyrý qajettigine erekshe toqtaldy.
Belarýs Prezıdenti IT-tehnologııalar salasyndaǵy eki el yntymaqtastyǵynyń perspektıvaly ekenin aıtty.
– Bul sapar ekijaqty yntymaqtastyqtyń jańa kezeńin bastady. Innovasııalar men joǵary tehnologııalarǵa mán bere otyryp, ózara kapıtal salý onyń basty ereksheligi bolyp tabylady, – dedi Aleksandr Lýkashenko.
Qazaqstan Prezıdenti Nursultan Nazarbaev ótken kelissózder barlyq aýqymdy ózara is-qımyl boıynsha Qazaqstan men Belarýs arasyndaǵy yntymaqtastyqtyń damýyna tyń serpin beretinine senim bildirdi.
Gúlnur Qýanyshbekqyzy,
"Egemen Qazaqstan"
Mınsk