«Sapaly bilim berý Qazaqstannyń ındýstrııalandyrylýynyń jáne ınnovasııalyq damýynyń negizine aınalýy tıis». Memleket basshysynyń qazaqstandyqtarǵa joldaǵan bıylǵy Joldaýynda atap kórsetilgen bul mindettiń mańyzy zor. Almatyda ótken «TMD múshe-memleketteri bilim qyzmetkerleriniń biliktiligin arttyrý júıesindegi ıntegrasııa» atty halyqaralyq forýmda kásibı sheberlikti qalyptastyrýda ozyq ádisterdi engizý jáne ózge de máseleler keńinen sóz boldy. Jas urpaqqa sapaly bilim, sanaly tárbıe berýde ustaz tájirıbesi men biliktiligi eń basty oryn alatyndyǵy sózsiz. Sondyqtan da qazirgi jahandaný men ıntegrasııa jaǵdaıynda búgingi kúnniń joǵary talabyn eskere otyryp, pedagogtardyń izdenis aıasyn, iskerligi men qabiletin keńeıte túsý basty shart. Bul oraıda qazirgi talapqa saı bilim berý tehnologııasyn, sonymen qatar, elektrondy bilim berý júıesin engizýdiń bereri mol. Halyqaralyq forýmdy kirispe sóz sóılep ashqan Bilim jáne ǵylym mınıstrligi Bilim berý júıesi basshylary jáne ǵylymı-pedagogıkalyq kadrlar biliktiligin arttyrý ınstıtýtynyń dırektory Gúlnas Ahmetovanyń pikirinshe, «Qazaqstannyń búgingi qarqyndy damýy – biliktilikti arttyrý júıesiniń qyzmetkerlerine de, jahandaný dáýirine qadam basqan jastarǵa da bilim berýdi jańasha túrde júzege asyrýǵa jeteleıdi».
Halyqaralyq forýmda sóz alǵan Ýkraına Menedjment jáne bilim ýnıversıtetiniń birinshi prorektory Evgenııa Chernysheva «Jahandaný kezeńindegi ǵylym men bilimge qoıylatyn joǵary talap» tóńireginde oı qozǵady:
Sonymen, TMD keńistiginde sala mamandarynyń bilimi talapqa saı damyp, odan ári jetildirile túspek.
Baqyt BALǴARINA.
Almaty.