Atyraý qalasynda bolǵan jarylys faktileri boıynsha qylmystyq isti tergeý barysynda 4 adamnan qurylǵan qylmystyq top anyqtalyp, zalalsyzdandyryldy. Olar qoldan jasalǵan jarylǵysh qurylǵylardy quqyq qorǵaý jáne memlekettik organ qyzmetkerlerin qorqytý maqsatynda zańsyz daıyndaǵan jáne Atyraý oblystyq ákimdigi men prokýratýrasy ǵımarattarynyń janynda jarylys jasaýdy josparlaǵan. Alaıda, jarylǵysh tehnıka salasyndaǵy bilimniń jetkiliksizdiginen jáne qoldan jasalǵan qondyrǵyny durys paıdalanbaý saldarynan qylmystyq toptyń bir múshesi B.Sultanǵalıevtiń ózi oqıǵa bolǵan jerde qaza tapty. Qazirgi ýaqytta qylmystyq toptyń qalǵan músheleri tutqyndaldy jáne jasaǵan qylmystaryn moıyndap jaýap berýde. Tergeý áli jalǵasýda, dep habarlady Atyraý oblysy prokýratýrasynyń baspasóz qyzmeti.
«Egemen-aqparat».