«West Dala» JShS – 2005 jyly elimizdiń batys aımaǵynda óndiris jáne tutyný qaldyqtaryn keshendi basqarý tájirıbesin alǵash ret engizgen derbes servıstik kompanııa. «Qashaǵan», «Teńiz», «Qarashyǵanaq» sııaqty álemdegi eń iri ıgerilip jatqan munaı-gaz ken oryndaryna, munaı jáne munaı-servıstik ónerkásibine, ónerkásip jáne medısına salalaryndaǵy uıymdarǵa, halyqqa qyzmet kórsetý jáne saýda kásiporyndaryna, basqa da kompanııalarǵa qaldyqtardy basqarý boıynsha keshendi jáne jekelegen qyzmetter kórsetedi. Kompanııa óz qyzmetin memlekettik lısenzııalar, ISO jáne OHSAS halyqaralyq standarttaryna sáıkes ıntegrasııalyq menedjment júıesi negizinde júzege asyrady.
«West Dala» JShS «ISKER» kompanııalar tobyna kiredi, kásiporyn qyzmeti sheteldik seriktespen birlesip, ınnovasııalyq tehnologııalardy engizý jónindegi West Dala Tech-pen basqarylady, «KazWaste» qazaqstandyq qaldyqtardy basqarý qaýymdastyǵynyń belsendi qatysýshysy. Sondaı-aq ulttyq standarttardy ázirleý, Ekologııalyq kodekske, «Jasyl ekonomıka týraly» zańǵa jáne basqa da qujattarǵa ózgerister men tolyqtyrýlar engizý máseleleri boıynsha Energetıka mınıstrligi Qaldyqtardy basqarý departamentiniń jumys tobyna sarapshy retinde kiredi.
Kompanııa kásibı tájirıbesin «Sala kóshbasshysy» ulttyq sertıfıkattarymen jáne medaldarymen, «Teńizshevroıl» JShS júrgizetin CHESM aýdıt nátıjelerimen birneshe ret rastaǵan. Sonymen qatar sońǵy úsh jyl boıyna eń joǵary A reıtıngin (Grade A) ıelenip keledi. On eki jyldan beri óz klıentterine qaldyqtardy basqarýdyń standartty tásilderin usynyp qana qoımaı, aýqymdylyǵy men kúrdeliligi ártúrli qaldyqtardy basqarý jobalary boıynsha ońtaıly keshendi sheshimderdi qarastyrýǵa jáne usynýǵa daıyndyǵyn bildirip, neǵurlym ekologııalyq qaýipsiz, qoljetimdi tehnologııalardy engizý arqyly qaldyqtardy basqarý salasyndaǵy halyqaralyq jáne otandyq tájirıbeni qoldanady. Sondyqtan «NCOC N. V», «Teńizshevroıl», «Qarashyǵanaq Petroleým Opereıtıng B.V», «О́zenmunaıgaz», «Qarajanbasmunaı», «Qaztransoıl», «Atyraý MО́Z», «Jaıyqmunaı», «NGSK KazStroıServıs», «Aqsaıgazservıs», «AlǵaKaspııGaz» sııaqty kóptegen iri sheteldik jáne otandyq kompanııalar qaldyqtardy basqarýda «West Dala» kompanııasyna senim artady.
«Bizdiń «Teńizshevroılmen» áriptestik yntymaqtastyǵymyz merdigerlik qyzmet kórsetýdiń bas shartynda bekitilgen. Bul kompanııanyń joǵary kásibı servıs usynýǵa jáne asa kúrdeli suranymdarǵa arnalǵan tehnologııalyq sheshimderdi qabyldaýǵa qabiletti ekenin kórsetedi. «West Dala» TShO tenderlerine qatysýǵa árqashan shaqyrylady jáne Qazaqstan zańnamasy men «Chevron» korporasııasynyń talaptaryna tolyq sáıkestigin rastaıtyn aýdıtterden júıeli túrde ótip otyrady. Kompanııanyń minsiz bedeli men bas merdigerlik shartynyń bolýyna qaramastan, TShO basqa merdigerlik uıymdarda qaldyqtardy kádege jaratý boıynsha tehnologııalyq sheshimderi bolmaǵan jaǵdaıda ǵana «West Dala» kompanııasynyń qyzmetine júginedi», deıdi JShS bas dırektory Qaırat Salahadenov.
Mamandardyń sózinshe, basqa da kóptegen kásiporyndar sııaqty «West Dala» da birinshi kezekte jergilikti halyqty jumyspen qamtýǵa umtylady. Kásiporynnyń elimizdiń batys óńirindegi eki oblysta tórt óndiristik nysany bar, bir-birinen alshaq turǵan aýmaqtyq aýdandarda ornalasqan. «Biz árbir qyzmetkerimizge jumysynda erkindik beremiz jáne eńbegi men qadir-qasıetin joǵary baǵalaımyz. Máselen, laıyqty eńbekaqymen qamtamasyz etip, aıqyn ujymdyq jáne eńbek sharttaryn jasasamyz. Barlyq qyzmetkerlerge kásibı jáne mansaptyq ósýge teń múmkindikter usynamyz jáne erekshe kózge túskenderge, sondaı-aq jyldyq qorytyndy baǵalaýy negizinde syıaqy beriledi», degen Q.Salahadenov mamandardyń áleýmettik, medısınalyq ahýaly da nazardan tys qalmaıtynyn áńgimeledi.
Birinshi kezekte qyzmetkerlerdiń barlyǵyna áleýmettik paket beriledi, ol qyzmetkerdiń qajettilikterine qaraı qarjylyq qoldaý kórsetýdi, qoǵamdyq ómirinde qoldanatyn keıbir jeńildikter usynýdy, memlekettik nemese shet tiline úıretýdi, zeınetkerlikke shyqqandarǵa estelik syılyqtar usynýdy kózdeıdi. Mamandardyń kóńilin kóterý maqsatynda ártúrli tımbıldıngter, korporatıvtik jáne merekelik keshter uıymdastyrylady eken. Barlyǵy medısınalyq tekserýden jyl saıyn ótedi. Onymen qosa óndiristik bazalarda medpýnktter ornalasqan.
Kompanııa qaıyrymdylyq sharalaryna da belsene atsalysady. Aıtalyq, balalar úıindegi múgedek, jetim jetkinshekterdiń, Uly Otan soǵysy ardagerleri men turmystyq ahýaly tómen otbasylardyń qandaı da bir qajettilikterine qaraı qarjylaı kómek kórsetedi jáne merekelik syılyqtar usynady. Atyraý jáne Mańǵystaý oblystary aýdandyq ákimdikterimen ótetin áleýmettik-mádenı is-sharalardyń da mańynan tabylady. Kásiporyn «jasyl ekonomıkany» qoldaıtyndyqtan, óndiristik bazalar tóńireginde ornalasqan mektepter men balabaqshalardy kógaldandyrýǵa qarajat bólýge tyrysady.
«West Dala» qazaqstandyq taýarlar men qyzmetter usynýdy damytýǵa úles qosyp, shaǵyn jáne orta kásipkerlik sýbektilerin, ıaǵnı merdigerlik uıymdardy qoldaýǵa umtylady. «Bolashaq energııasy» taqyrybyndaǵy EKSPO-2017 halyqaralyq kórmesi aıasynda ótken «Green energy & Waste recycling forum» atty II Eýrazııalyq bıznes-forýmyna qatystyq. Osyndaı jıynnyń resmı seriktesi retinde kómek kórsetý arqyly beıindi sharany qoldaý týraly sheshim qabyldaǵanbyz. Kompanııa óziniń áleýetti klıentterine, qoǵamdyq uıymdarǵa jáne memlekettik organdarǵa PWS sheteldik seriktes kompanııasyn alǵash ret usyndy. Sondaı-aq seriktesimen birlesip, búkil forým aýdıtorııasyna el naryǵyndaǵy jańa oıynshysyn – «West Dala Tech» JShS-ni usyndy. Ol ekologııalyq qaýipsiz jobalardy ǵana iske asyrýǵa arnalǵan ozyq tehnologııalardy tanystyratyn, qazirgi zamanǵy óndiristik keshenderi bar ınjınırıngtik jáne operasııalyq kompanııa», deıdi bas dırektor Q.Salahadenov.
Bıyl kompanııa odan ári damýǵa arnalǵan birqatar mańyzdy is-sharalar ótkizgen. Aıtalyq, klıentteriniń jańa qajettilikterine jáne el zańnamasyna engizilgen keıbir ózgertýlerge baılanysty óndiristik nysandaryn qaıta jańǵyrtty. Qaldyqtardy basqarýǵa qatysty jańa talaptarǵa jáne mamandandyrylǵan tehnıkany jyl saıyn jańartý jónindegi josparǵa sáıkes jabdyqtar jáne avtokólikter satyp alǵan. Sonymen qatar qaldyqtardy basqarý salasyndaǵy keıbir standarttardy jasaý jáne engizý jónindegi jumys toptaryna qatysty ISO standarttarynyń jańa nusqasyna kóshti. «О́ndiris jáne tutyný qaldyqtarymen jumys isteý jónindegi mamandandyrylǵan kásiporyndar. Jalpy talaptar» standartynyń sertıfıkatyn aldy. Eń mańyzdysy, «Sala kóshbasshysy» mártebesin rastady.
Ashat RAIQUL,
«Egemen Qazaqstan»