2024 jylǵy shildeden beri tańbalaý júıesi Qazaqstanda eń kóp suranysqa ıe dári-dármekterdi anyqtady, dep habarlaıdy Egemen.kz.
Densaýlyq saqtaý mınıstrliginiń málimetine sáıkes, satylym kólemi boıynsha birinshi orynda etıl spırti tur. Tańbalanǵan ónimniń 4,1 mln danasy satylǵan. Ekinshi orynda – 2,1 mln dana kórsetkishpen natrıı hlorıdi.
Dárigerge dán rızamyn
Alǵashqy úshtikke qyzý túsiretin parasetamol da engen. Onyń satylymy 1,75 mln danaǵa jetken. Tórtinshi orynda – 1,5 mln danadan asqan asetılsalısıl qyshqyly. Bestikti tumaý kezinde qoldanylatyn tamyr taryltatyn nafazolın preparaty túıindeıdi.
Elde tańbalanǵan dárilerdiń úlesi 40%-ǵa jetti
Suranys joǵary preparattardyń qatarynda «Sıtramon P» de bar, ol 1,23 mln danadan astam satylǵan. Sonymen qatar alǵashqy ondyqqa menovazın (897 myń dana), tumaý men sýyq tııýge qarsy «TeraFlıý», belsendirilgen kómir (636 myń dana) jáne fýrasılın (623 myń dana) kirdi.
Dárigerler JI kómegimen ınsýlt pen onkologııalyq aýrýlardy erte anyqtap jatyr
Sıfrlyq tańbalaý júıesi aıasynda árbir dári qaptamasyna biregeı Data Matrix kody beriledi. Tutynýshy, dárihana nemese baqylaýshy organ Naqty Onim mobıldi qosymshasy arqyly preparattyń túpnusqalyǵyn jedel teksere alady.
«Tańbalaý júıesi árbir dári qaptamasynyń óndirýshiden sońǵy tutynýshyǵa deıingi qozǵalysyn naqty ýaqyt rejıminde baqylaýǵa múmkindik beredi. Usynylǵan statıstıka dárihanalardaǵy bólshek saýdadaǵy satylymdy kórsetedi. Sonymen qatar bul júıe árbir preparattyń túpnusqa ekenin jáne zańdy aınalymnyń barlyq kezeńinen ótkenin kepildeıdi», dep habarlady Densaýlyq saqtaý mınıstrligi.
Vedomstvo dereginshe, bul júıe zańdy taýar aınalymy sheńberinde jalǵan dárilerdiń satylýyn shekteıdi.