Parlament Senaty Tóraǵasynyń orynbasary Sergeı Gromov bastaǵan Qazaqstan parlamentshileriniń delegasııasy Qytaı Halyq Respýblıkasynda saparda boldy.
QHR Shyńjań-Uıǵyr avtonomııalyq aýdany Halyq úkimetiniń tóraǵasy Zakır Shohratpen jáne QHR Gýandýn provınsııasy Halyq ókilderiniń jınalysy Turaqty komıtetiniń tóraǵasy Lı Iý Meımen kezdesý barysynda ekijaqty saýda-ekonomıkalyq, kólik jáne mádenı yntymaqtastyq máseleleri talqylandy. Senat Tóraǵasynyń orynbasary Qazaqstan men Qytaıdyń strategııalyq áriptestik sıpatyndaǵy ózara is-qımylynyń joǵary deńgeıin atap ótti. S.Gromov bizdiń elderimiz arasyndaǵy dostyq baılanystardy damytý jáne nyǵaıtýdaǵy eki memleket basshylary qosqan úlestiń zor mańyzyn atap ótti.
Júzdesýshiler qytaılyq «Bir beldeý, Bir jol» bastamasy men bizdiń elimizdiń «Nurly jol» baǵdarlamasyn, sondaı-aq 2015-2020 jyldarǵa arnalǵan Shekara mańyndaǵy yntymaqtastyqty damytýdyń memleketaralyq baǵdarlamasyn úılestirý josparyn iske asyrý turǵysynda yntymaqtastyqty odan ári damytýdyń keleshegine qatysty pikir almasty. Odan basqa, ókildi jáne atqarýshy bıliktiń baılanystary, parlamentaralyq únqatysýlar, delegasııalar almasý arqyly ekijaqty ózara is-qımyldy údetý máseleleri de qozǵaldy.
Saparda júrgen delegasııa quramynda senatorlar Rashıt Ákimov, Rysqalı Ábdikerov, Vladımır Volkov, Ǵumar Dúısembaev, Álimjan Qurtaev, Dúısenǵazy Mýsın bar.