Parlamentaralyq assambleıa otyrysyna qatysady

Qazaqstan Respýblıkasy Parlamenti Senatynyń Tóraǵasy Qaırat Mámı ústimizdegi jylǵy 9 qarashada Táýelsiz Memleketter Dostastyǵyna qatysýshy memleketterdiń Parlament­ara­lyq Assambleıasy (TMD PAA) Keńesiniń Sankt-Peter­býrgtegi otyrysyna qatysady, dep habarlady Senattyń bas­pasóz qyzmeti. Otyrystyń kún tártibinde TMD PAA Keńesi Tóraǵasyn saı­laý, TMD men PAA-nyń 20 jyldyǵyna arnalǵan sharalar jos­paryn júzege asyrý, Dos­tas­tyq elderindegi memlekettik bılik organdaryna saılaýdy baı­qaý­ǵa TMD PAA ókilderiniń qa­ty­sýy máseleleri bar. Ekijaqty qatynastar men par­lamentaralyq baılanystardy odan ári nyǵaıtý máselelerin tal­qylaý úshin Reseı Federa­sııa­synda bolǵan kezde Q.Mámı TMD-ǵa qatysýshy memleket­ter­diń birqatar parlamentteriniń basshylarymen – Reseı Fe­de­ra­sııasynan – V.Matvıenko jáne B.Gryzlovpen, Ýkraınadan – V.Lıt­vınmen, Tájikstannan – M.Ýbaıdýlloevpen, Belarýsten – A.Rýbınovpen kezdesýleri jos­parlanyp otyr. Senat Tóraǵasynyń Sankt-Peterbýrgke sapary barysynda EýrAzEQ PAA Jaýapty hat­shy­sy P.Zverevpen kezdesýi de kózdelýde.