Atalmysh rolıkter «Qazaqstan today» jobasynyń sheńberinde «IGRAPHIC» dızaın-bıýrosymen birigip ázirlendi.
Aldaǵy ýaqytta daıyndalǵan beınematerıaldar Ulttyq arnada jáne korporasııa quramyna kiretin aımaqtyq fılıaldarda kórsetiletin bolady. Jobanyń basty maqsaty halyqty jańa ındýstrıaldy jobalarmen tanystyryp, mańyzdylyǵyn jetkizý. Sonymen qatar, jumyspen qamtý múmkindigi jaıly aldyn-ala aqparat berý. Beınerolıkter Mańǵystaý oblysyndaǵy Quryq portyndaǵy parom kesheni, Pavlodar oblysyndaǵy qospaly alıýmınıı óndirisin uıymdastyrý, Almaty oblysyndaǵy metall qurastyrý zaýyty jáne basqa da Indýstrıalızasııa baǵdarlamasynyń aıasyndaǵy jobalarǵa arnalatyn bolady.
Aıta keteıik, «Qazaqstan today» jobasy mańyzdy taqyryptardy ońaı túrde ári qyzyqty formada jetkizedi. Sonymen qatar, «Qazaqstan» arnasynda qyrkúıek aıynan bastap Semeı polıgony, «Astana EKSPO-2017», qazaq tiliniń latyn grafıkasyna ótýi, «Nurly Jol» jáne Tuńǵysh Prezıdent kúnine arnalǵan beınerolıkter jaryqqa shyqty.